মানুহৰ জীৱনটোৱেই হৈছে সুখ-দুখ, সমস্যা-সফলতাৰ খতিয়ান। দুখ-বিফলতাতেই সুখ-সফলতাৰ সোপান তৈয়াৰ কৰাতেই আছে জীৱনৰ প্ৰকৃত মাদকতা। আজিৰ যুৱপ্ৰজন্ম কাইলৈ দেশৰ ভৱিষ্যৎ। কিন্তু বৰ্তমান একাংশ যুৱপ্ৰজন্মৰ উদ্বেগ, মানসিক চাপ আৰু আত্মহত্যা কৰাৰ প্ৰবল প্ৰৱণতাই সমাজখনত নেতিবাচক দিশ এটালৈ ঠেলি নিছে। এই দিশসমূহক লৈ নিৰ্মিত আৰু শেহতীয়াকৈ মুক্তিপ্ৰাপ্ত “Appointment” চুটি ছবিখনক লৈ আজি কিছু কথা পাতিবলৈ ওলাইছোঁ।
চুটি ছবিখনৰ বিষয়বস্তুৰ সাম্প্ৰতিক পৰিস্থিতিৰ সৈতেজ যথেষ্ট মিল আছে, আমি প্ৰায়ে মানসিক হেঁচাত ভোগা ব্যক্তি এগৰাকী মনোবৈজ্ঞানিকৰ কাষ চপাৰ পৰামৰ্শ প্ৰদান কৰোঁ কিন্তু সেই মনোবৈজ্ঞানিক জনৰ মানসিক স্থিতিও যদি জটিল হৈ থাকে, তেতিয়াহ’লে তাৰ উপায় কি হ’ব পাৰে বাৰু?
উক্ত কথাখিনিক লৈ নিৰ্মাণ হোৱা Appointment চুটি ছবিখন Moviesaints.com ত উপলব্ধ। চুটি ছবিখনে ইতিমধ্যে ৰাষ্ট্ৰীয়-আন্তঃৰাষ্ট্ৰীয় প্ৰেক্ষাপটৰ কেইবাখনো ছবি সমাৰোহ ক্ৰমে “Indapuram International Short Film Festival”, “Dadasaheb Phalke Film Festival 2023”, “Himachal Short Film Festival”, আৰু “Shortfundly Annual Festival” ত মনোনয়ন লাভ কৰাৰ লগতে দৰ্শক ৰাইজৰ প্ৰশংসাও লাভ কৰিছে।
৯ মিনিট ৪০ চেকেণ্ডৰ এই চুটি ছবিখনৰ পৰিচালনা প্ৰশমিত চৌধুৰীৰ। সাৱলীল অভিনয়ৰে চুটি ছবিখন অধিক উপভোগ্য কৰিছে ফিলিপচ নেওগ আৰু অৰ্ঘদ্বীপ বৰুৱাই। Real Imagination ৰ বেনাৰত নিৰ্মিত চুটি ছবিখনৰ ডি.অ’.পিৰ দায়িত্বত আছে ৰাজ নাছিম আৰু সংগীত অৰিণ শ্যামৰ।Moviesaints.com ত উপলব্ধ চুটি ছবিখন চাবলৈ আপুনি এটা নিম্ন পৰিমাণৰ মাচুল বহন কৰিব লাগিব।
