ভাৰতীয় ৰিজাৰ্ভ বেংকে (Reserve Bank of India) পুনৰ বৃদ্ধি কৰিলে ৰেপো ৰেট (Repo Rate)। বুধবাৰে আৰ বি আইৰ গভৰ্নৰ শক্তিকান্ত দাসে ঘোষণা কৰে যে ৰেপো ৰেট ২৫ বেছিছ পইণ্ট বৃদ্ধি কৰি ৬.৫ শতাংশ হʼব। ইয়াৰ লগে লগে শীৰ্ষ বেংকটোৱে একেৰাহে ছবাৰ ৰেপো ৰেট বৃদ্ধি কৰিলে।
আৰ বি আইৰ ‘মুদ্ৰানীতি সমিতি’ৰ (এম পি চি) বৈঠকত এই বিষয়ে আলোচনা কৰা হয়। ৬ জনীয়া সমিতিৰ ৪ জন সদস্যই ৰেপো হাৰ বৃদ্ধিৰ সপক্ষে ভোটদান কৰে। ইয়াৰ পিছত ৰেপো ৰেট ২৫ বেছিছ পইণ্ট বৃদ্ধি কৰাৰ সিদ্ধান্ত লোৱা হয়। এইবাৰ এম পি চিৰ প্ৰথমখন বৈঠক অনুষ্ঠিত হয়।
যোৱা বছৰৰ ডিচেম্বৰ মাহত অনুষ্ঠিত হোৱা এম পি চিৰ বৈঠকৰ পিছত ৰেপো ৰেট ০.৩৫ শতাংশ বৃদ্ধি কৰাৰ সিদ্ধান্ত লোৱা হৈছিল। ইয়াৰ পিছত ফেব্ৰুৱাৰী মাহত পুনৰ এম পি চিৰ বৈঠক। অৱশ্যে ৰিভাৰ্ছ ৰেপো ৰেট ৩.৩৫ শতাংশত আছে।
ৰিজাৰ্ভ বেংকে বাণিজ্যিক বেংকক যি হাৰত ঋণ দিয়ে, সেই হাৰক ৰেপো ৰেট বোলা হয়। বাণিজ্যিক বেংকে ৰিজাৰ্ভ বেংকক যি হাৰত ঋণ দিয়ে, সেই হাৰক ৰিভাৰ্ছ ৰেপো ৰেট বোলা হয়। সাধাৰণতে ৰেপো হাৰ বৃদ্ধিৰ প্ৰত্যক্ষ প্ৰভাৱ পৰিশোধ প্ৰক্ৰিয়াত পৰে। ঠিক এই কাৰণেই ৰেপো ৰেট বৃদ্ধি হʼলে ঘৰ বা গাড়ী কিনাৰ ই এম আই বৃদ্ধি পাব পাৰে। কিন্তু ই এম আই বৃদ্ধিৰ বোজা মানুহৰ ওপৰত কিমান পৰিব সেয়া RBIৰ অর্থনৈতিক বিশেষজ্ঞৰ সিদ্ধান্ত৷
