কাশ্মীৰত (Kashmir) ভূমিস্খলন।শুকুৰবাৰৰ পৰা আৰম্ভ হৈছে এই ভূমিস্খলন(Landslide)। দেওবাৰে ভয়ংকৰ ই ৰূপ লয়। কাশ্মীৰৰ ৰামবান জিলাত মূল পথৰ পৰা বহু ঘৰ ভাঙি যোৱাৰ ফলত ক্ষতিগ্ৰস্ত হয়।
দেওবাৰে ইয়াৰ ফলত কমেও ১৩টা ঘৰ ভাঙি পৰে। ইতিমধ্যে ১৩ টা গৃহহীন পৰিয়ালক নিৰাপদ আশ্ৰয় শিবিৰলৈ লৈ যোৱা হৈছে। তম্বু, ৰেচন, কম্বলো দিয়া হৈছে। ক্ষতিগ্ৰস্ত পৰিয়ালক প্ৰশাসনৰ দ্বাৰা শীঘ্ৰে ক্ষতিপূৰণ দিয়াৰ ব্যৱস্থা কৰা হʼব বুলিও জনা গৈছে।
ৰামবান জিলাৰ পৰা ৪৫ কিলোমিটাৰ নিলগৰ গুল মহকুমাৰ দুক্সাৰ দল গাঁৱত ভূমিস্খলন হয়। দেওবাৰে ভূমিস্খলনৰ পিছত গাঁওখন সংযোগ কৰা এটা অতি গুৰুত্বপূৰ্ণ পথৰ যথেষ্ট ক্ষতিসাধন হয়। গুল আৰু সংগলদান সংযোগী পথটোত ডাঙৰ ডাঙৰ ফাট দেখা গৈছে। সেই পথত বৰ্তমান যান-বাহন বন্ধ কৰি দিয়া হৈছে। যাৰ বাবে যান-জঁটৰ সৃষ্টি হৈছে। সীমান্ত পথ সংস্থাই আৰম্ভ কৰিছে সংস্কাৰৰ কাম। বিকল্প পথৰ ব্যৱস্থাৰো চেষ্টা কৰা হৈছে।
