নিৰ্বাচন আয়োগক দাখিল কৰা মনোনয়ন পত্ৰৰ সৈতে দাখিল কৰা শপতনামাত উল্লেখ কৰা হৈছে যে তেওঁৰ স্থাৱৰ আৰু অস্থাৱৰ সম্পত্তিৰ (Property Value) মুঠ পৰিমাণ ১২৭ কোটি (127 Cr)। এইবাৰ মেঘালয় বিধানসভা (Meghalaya Legislative Assembly) নিৰ্বাচনত তেওঁ সৰ্বাধিক ধনী প্ৰাৰ্থী। তেওঁ ইউনাইটেড ডেমোক্ৰেটিক পাৰ্টিৰ নেতা (United Democratic Party Leader) আৰু বিধানসভাৰ বিদায়ী অধ্যক্ষ (Speaker) মেটবা লিংডো (Matba Lyngdoh)।
মৈৰাং কেন্দ্ৰৰ বিদায়ী বিধায়ক মেটবাই পুনৰ সেই আসনৰ পৰাই নির্বাচনৰ বাবে যুঁজ দিছে৷ ২০১৮ চনত বিধানসভা নিৰ্বাচনৰ সময়ত শপতনামাত তেওঁৰ মুঠ সম্পত্তি ৮৭২.৬ মিলিয়ন বুলি কোৱা হৈছিল। মেঘালয়ৰ শাসকীয় মিত্ৰজোঁটৰ অংশীদাৰ নেচনেল পিপলছ পাৰ্টিৰ মুৰব্বী তথা ৰাজ্যৰ মুখ্যমন্ত্ৰী কনৰাড চাংমাৰ মুঠ সম্পত্তি মেটাবাৰ তুলনাত বহু কম। তেওঁৰ স্থাৱৰ আৰু অস্থাৱৰ সম্পত্তিৰ মুঠ পৰিমাণ ১৪ কোটি ৬ লাখ।
কিন্তু ২০১৮ চনত কনৰাডে নিজৰ নিৰ্বাচনী শপতনামাত উল্লেখ কৰিছিল যে তেওঁৰ হাতত ৫ কোটি ৩৩ লাখ টকাৰ সম্পত্তি আছে। সেই হিচাপে ৫ বছৰত তেওঁৰ সম্পত্তি ১৬৪ শতাংশ বৃদ্ধি পাইছে! শতকৰা হাৰত অৱশ্যে মেঘালয়ৰ ছোনিয়াভলঙৰ সম্পত্তি যোৱা ৫ বছৰত সৰ্বাধিক বৃদ্ধি পাইছে। প্ৰায় ৬০৭ শতাংশ। ২০১৮ চনত ৬ কোটি টকাৰ পৰা ২০২৩ চনত ৪৫ কোটি টকা।
