ছাইদুল ইছলাম,ডিফু : সমগ্ৰ বিশ্বৰ লগত সংগতি ৰাখি আজি ডিফুত বিজেপি কাৰবি আংলং জিলা সমিতিৰ মহিলা মৰ্চাৰ (BJP Mahila Morcha) উদ্যোগত বৰ্ণাঢ্য কাৰ্যসূচীৰ মাজেৰে আন্তৰ্জাকিক নাৰী দিৱসটি (International Women’s Day)উদযাপন কৰা হয় ৷
এই উপলক্ষে আজি ডিফুৰ জয়ছিং দলৈ সোঁৱৰণি প্ৰেক্ষা গৃহৰ চৌহদত পতাকা উত্তোলন কৰে বিজেপিৰ মহিলা মৰ্চাৰ সভানেত্ৰী ৰশ্মি টেৰণপীয়ে ৷ ইয়াৰ পিছতে সভানেত্ৰী ৰশ্মি টেৰণপীৰ নেতৃত্বত ডিফু চহৰৰ মাজেৰে মহিলা সকলে বৰ্ণিল শোভা যাত্ৰা উলিয়াই নাৰীৰ সম অধিকাৰ আৰু নাৰী শক্তি সন্দৰ্ভত বিভিন্ন প্লে’কাৰ্ড প্ৰদৰ্শন কৰে ৷
ইপিনে ডিফু জয়ছিং দলৈ সোঁৱৰণি প্ৰেক্ষাগৃহত আয়োজিত ৰশ্মি টেৰণপীৰ পৌৰোহিত্যত আয়োজিত সভাত মুখ্য অতিথি হিছাপে উপস্থিত থাকে কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম, ৰংহাঙ, সন্মানীয় অতিথি ক্ৰমে, বিধায়কদ্বয় বিদ্যাছিং ইংলেঙ, দৰছিং ৰংহাঙ, কেইবাগৰাকী ইএম, এমএচি আৰু জিলা উপায়ুক্ত মধুমিতা ভাগৱতী ৷ উক্ত সভাত আন্তৰ্জাতিক নাৰী দিৱস, নাৰী শক্তি, বাল্যবিবাহ সম্পৰ্কীয় আইন শৃংখলা, মহিলা স্বাস্থ্যৰ ওপৰত বিশিষ্ট বক্তা সকলে বক্তব্য ৰাখে ৷ আনহাতে কাৰবিসআংলং জিলা উপায়ুক্ত মধুমিতা ভাগৱতীয়ে ৱান ষ্টপ চেণ্টাৰ হেল্পলাইন আৰু চেলফ ডিফেন্স সন্দৰ্ভত গৰুত্বপূৰ্ণ বক্তব্য প্ৰদান কৰে ৷
সাংবাদিকৰ সৈতে হোৱা বাৰ্তালাপত বিজেপি মহিলা মৰ্চাৰ সভানেত্ৰী ৰশ্মি টেৰণপীয়ে কয়যে, মহিলা সকলক সকলো দিশত আগুৱাই নিয়াত মুখ্যমন্ত্ৰী হিমন্ত বিশ্বশৰ্মা আৰু চিইএম ডঃ তুলিৰাম ৰংহাঙে সদায় ভালদৰে কাম কৰিছে ৷ লগতে আজিৰ কাৰ্যসূচীৰ লগত সংগতি ৰাখি জিলাখনৰ আত্মনিৰ্ভৰশীল ১৯ গৰাকী মহিলাক পুৰষ্কৃত কৰা হৈছে বুলি কয় ৷
মহিলাৰ মৰ্চাৰ প্ৰাক্তন সভানেত্ৰী সীমা ৰংহাঙপীয়ে সংবাদ মাধ্যমৰ আগত নাৰীৰ সম মৰ্যদা, নাৰীৰ সম প্ৰতিনিধিত্ব লগতে বোৰ্ড অধ্যক্ষৰ নিযুক্তিৰ ক্ষেত্ৰতো নাৰীৰ সমান অধিকাৰ দাবী কৰে ৷ মুঠতে পুৰুষৰ সৈতে কান্ধত কান্ধ মিলাই খোজ দিয়াৰ অধিকাৰ কামনা কৰে নেতৃ গৰাকীয়ে ৷
আনহাতে আজি ৰঙৰ উৎসৱ ফাকুৱাৰ সমান্তৰালকৈ মহিলা সকলৰ মাজত ৰঙেৰে মজিয়াত চিত্ৰাঙ্কণ প্ৰতিযোগিতা অনুষ্ঠিত কৰাৰ লগতে বিভিন্ন সাংস্কৃতিক ট্ৰুপৰ জৰিয়তে নৃত্য গীতো প্ৰদৰ্শন কৰি দৰ্শক সকলক আপ্লুত কৰা হয় ৷
