বিধানসভাৰ অধিবেশন (Assembly session) কক্ষত বহি পৰ্ণ ছবি (Porn Photo) চাই আছে বিজেপিৰ বিধায়কে (BJP MLA)! সেই ছবি আৰু ভিডিঅ’ ছচিয়েল মিডিয়া (Social Media)ত বিয়পি পৰিছে। জানিব পৰা মতে, ত্ৰিপুৰা বিধানসভাত (Tripura Legislative Assembly) সংঘটিত হৈছে এই ঘটনা। পৰ্ণ ছবি চাই থকা অৱস্থাত ধৰা পৰে বিজেপিৰ বিধায়ক যদবালাল নাথ (BJP MLA Jadbalal Nath)। তেওঁ ত্ৰিপুৰাৰ বাগবাছা সমষ্টিৰ বিধায়ক (MLA from Bagbasa constituency)।
শেহতীয়াকৈ ভাইৰেল হোৱা ভিডিঅʼটোত দেখা গৈছে যে যাদবালালে বিধানসভাৰ আসনত বহি মোবাইলত ভিডিঅʼটো চাই আছে। দাবী কৰা হৈছে যে ভিডিঅʼটো আচলতে পৰ্ণ ছবি। সূত্ৰ অনুসৰি, বিজেপিয়ে বিধায়কগৰাকীক জবাবদিহি কৰাৰ দাবী জনাইছে। অৱশ্যে যাদবালালৰ পৰা এতিয়ালৈকে কোনো সঁহাৰি পোৱা নাই। জানিব পৰা মতে, অধিবেশন শেষ হোৱাৰ পিছত কাৰো লগত কথা নোকোৱাকৈয়ে যাদবালালে বিধানসভাৰ পৰা ওলাই যায়।
উল্লেখ্য, পূৰ্বতে যাদবালাল চিপিএমৰ আছিল। ২০১৮ চনত তেওঁ বিজেপিত যোগদান কৰে। বিজেপিৰ প্ৰাৰ্থী হিচাপে চিপিএমৰ প্ৰাৰ্থীৰ বিৰুদ্ধে বিধানসভা নিৰ্বাচনত প্ৰতিদ্বন্দ্বিতা কৰিছিল যদিও জয়ী নহʼল। কিন্তু ২০২৩ চনৰ বিধানসভা নিৰ্বাচনত তেওঁ বাগবাছাৰ পৰা বিজেপিৰ প্ৰতীকত জয়লাভ কৰে।
কিন্তু এয়ে প্ৰথমবাৰৰ বাবে নহয়। পূৰ্বেও বিধানসভাত বহি পৰ্ণ ছবি দেখাৰ ঘটনা সংঘটিত হৈছে। ২০১২ চনত কৰ্ণাটকৰ বিজেপি চৰকাৰৰ দুজন মন্ত্ৰীয়ে অংশগ্ৰহণ কৰা বিতৰ্কৰ ভিডিঅ’ ক্লিপ চাই ধৰা পৰিছিল। সেই সময়ত ফুটেজ দেখুওৱা অভিযুক্ত মন্ত্ৰী লক্ষ্মণ সাৱদীয়ে দাবী কৰে যে তেওঁ এই ভিডিঅʼটো মনোৰঞ্জনৰ বাবে নহয়, শিক্ষাৰ উদ্দেশ্যেহে চাইছিল। সেই সময়ত বিজেপি চৰকাৰৰ মন্ত্ৰীগৰাকীয়ে দাবী কৰিছিল যে ৰেভ পাৰ্টিৰ বিষয়েও জনা যায়। কেৱল তেৱেঁই নহয়, আন এজন মন্ত্ৰী চি চি পাটিলেও সাৱদীৰ ফোনত ভিডিঅʼটো শ্বেয়াৰ কৰে। সমালোচনাৰ সন্মুখীন হৈ দুয়োজন মন্ত্ৰীয়ে পদত্যাগ কৰিবলগীয়া হৈছিল। কিন্তু বিজেপিয়ে কৰা তদন্তত তেওঁলোক ‘দোষী’ প্ৰমাণিত হোৱা নাছিল। গতিকে তেওঁলোকক পুনৰ নিযুক্তি দিয়া হয়।
