১৪ দিনৰ গৰ্ভৱতী শিশু (14-day pregnant baby)! এইবাৰ পোহৰলৈ আহিল এক আচৰিত ঘটনা। অস্ত্ৰোপচাৰ (Surgery)ৰ জৰিয়তে শিশুটিৰ গৰ্ভৰ পৰা তিনিটা ভ্ৰূণ (Three embryos) আঁতৰোৱাৰ পিছত স্তম্ভিত হৈ পৰে চিকিৎসকসকল। উত্তৰ প্ৰদেশৰ বাৰাণসীত (Varanasi in Uttar Pradesh) সংঘটিত হৈছে এই ঘটনা।
বাৰাণসীৰ সুন্দৰলাল হাস্পতালৰ চিকিৎসকে জন্মৰ সময়ত শিশুটিৰ ওজন ৩ কেজি ৩০০ গ্ৰাম বুলি জানিবলৈ দিয়ে। কিন্তু অস্ত্ৰোপচাৰৰ দ্বাৰা ভ্ৰুণ আঁতৰোৱাৰ পিছত শিশুটিৰ ওজন ২ কেজি ৮০০ গ্ৰাম হয়। চিকিৎসালয়ৰ চিকিৎসক শ্বট কাছাপে এটা সংবাদ সংস্থাক জনাইছে যে কিছুদিন পূৰ্বে মাউ জিলাৰ এহাল দম্পতীয়ে তেওঁলোকৰ ১৪ দিনীয়া সন্তানক চিকিৎসালয়লৈ লৈ আহিছিল। শিশুটি শ্বাস-প্ৰশ্বাসজনিত সমস্যা আৰু এলাৰ্জীত ভুগি আছিল।
চিকিৎসকে কয় যে শিশুটিৰ কি সমস্যা হৈছে চাবলৈ আল্ট্ৰাছাউণ্ড কৰা হয়।তেতিয়াই বিষয়টো পোহৰলৈ আহে। তাৰ পিছত অধিক নিশ্চিত হʼবলৈ চিটি স্কেন কৰা হয়। তেতিয়া দেখা যায় যে শিশুটিৰ গৰ্ভত তিনিটা ভ্ৰুণ আছে। চিকিৎসালয়ৰ সূত্ৰ অনুসৰি, তিনিদিন চিকিৎসাৰ অন্তত সোমবাৰে চিকিৎসকে শিশুটিৰ অস্ত্ৰোপচাৰ কৰাৰ সিদ্ধান্ত লয়।
লগতে চিকিৎসকে কয় যে ভ্ৰুণকেইটা বিভিন্ন অৱস্থাত পোৱা গৈছে। তেওঁলোকে কয়, “এই ভ্ৰূণবোৰ শিশুটিৰ মাকৰ পৰা আহিছিল। অবিকশিত ভ্ৰূণ শিশুৰ পেটলৈ যায়। এনে ঘটনা অতি বিৰল। ৫ লাখ শিশুৰ ভিতৰত এটি শিশুৰ এই ৰোগ হয়।”
