দেওবাৰে মেঘালয়ৰ (Meghalaya) পৰা অহা এখন যাত্ৰীবাহী বাছৰ পৰা গোৱালপাৰাত (Goalpara) বৃহৎ পৰিমাণৰ বিস্ফোৰক (Bomb) সামগ্ৰীসহ এজন লোকক গ্ৰেপ্তাৰ কৰা হয়। আৰক্ষী সূত্ৰত এই কথা প্ৰকাশ।
আৰক্ষীয়ে জনোৱা অনুসৰি, গোপন তথ্যৰ ভিত্তিত গোৱালপাৰা জিলা আৰু কৃষ্ণাই আৰক্ষী থানাৰ এটা আৰক্ষী দলে অভিযান চলাই কৃষ্ণাই অঞ্চলত এখন যাত্ৰীবাহী বাছত তালাচী চলোৱা হয়। উক্ত বাছ খনতে বিস্ফোৰকখিনি কঢ়িয়াই আনিছিল।
গোৱালপাৰা জিলা আৰক্ষীয়ে অসমৰ কৃষ্ণাই আৰক্ষী থানাৰ এটা দলৰ সৈতে যুটীয়া অভিযানত বাছখনৰ পৰা ডিটনেটৰ উদ্ধাৰ কৰে। “আমি এই সন্দৰ্ভত এজন ব্যক্তিক গ্ৰেপ্তাৰ কৰিছো। আৰক্ষীয়ে বাছখনৰ পৰা ১১৬২ টা জিলেটিন আৰু ৯৯৮ টা ডিটনেটৰ উদ্ধাৰ কৰিছে। বাছখন মেঘালয়ৰ পৰা আহি আছিল।” গোৱালপাৰা এএছপি ৰিতুৰাজ ডলীয়ে কয়। ঘটনাটোৰ অধিক তদন্ত চলি আছে।
