পশ্চিমবংগ (West Bengale)ৰ শতাধিক যুৱক-যুৱতীয়ে প্ৰতিদিনে অসমলৈ (Youth to Assam every day) ৰাজ্যখনত নিষিদ্ধ ছবি (Banned pictures in the state) ‘দ্য কেৰালা ষ্ট’ৰী’ (The Kerala Story) চাবলৈ আহি আছে।
পশ্চিমবংগৰ আলিপুৰদুৱাৰ আৰু কোচবিহাৰৰ যুৱক-যুৱতীসকল ছবিখন চাবলৈ অসমলৈ আহিছে। যিহেতু পশ্চিমবংগৰ আলিপুৰদুৱাৰ আৰু কোচবিহাৰ অসমৰ সীমান্তৱৰ্তী জিলা, সেয়েহে তেওঁলোকৰ বাবে অসমলৈ আহি ছবিখন চোৱাটো সহজ ৷
ইয়াৰ উপৰি অলপতে আলিপুৰদুৱাৰৰ বিজেপিৰ প্ৰাক্তন সাংসদ দশৰথ তিৰ্কীয়ে চিনেমাখন চাবলৈ অসমলৈ বাছৰ ব্যৱস্থা কৰিছিল। ১৪ মেʼত কুমাৰগ্ৰামৰ চাহ বাগিচা অঞ্চলৰ শতাধিক লʼৰা-ছোৱালী অসমলৈ চিনেমাখন চাবলৈ আহিছিল।
উল্লেখযোগ্য যে মুক্তিৰ কিছু সময়ৰ পাছতে পশ্চিমবংগৰ মুখ্যমন্ত্ৰী মমতা বেনাৰ্জীয়ে ‘দ্য কেৰালা ষ্ট’ৰী’ চিনেমাখন ৰাজ্যত নিষিদ্ধ কৰাৰ কথা ঘোষণা কৰি ৰাজ্যখনৰ আইন-শৃংখলাৰ পৰিস্থিতিৰ অৱনতি ঘটাব পাৰে বুলি উল্লেখ কৰে। যদিও চিনেমাখনৰ প্ৰযোজকে আইনী জাননী প্ৰেৰণ কৰিছিল, তথাপিও ৰাজ্যৰ ছবিগৃহত ছবিখন উপলব্ধ হোৱা নাই।
