মুম্বাইৰ পিছত এইবাৰ বেংগালুৰু। আৰক্ষীয়ে আন এক নৃশংস হত্যাৰ প্ৰমাণ উদ্ধাৰ (Evidence of brutal murder recovered) কৰে। শেহতীয়াকৈ আৰক্ষীয়ে বেংগালুৰু (Bengaluru)ৰ সুৱৰ্ণমুখী পাহাৰীয়া অঞ্চলৰ (Suvarnamukhi hilly area) এটা স্থানৰ পৰা এগৰাকী মহিলাৰ কটা মূৰ আৰু ভৰি উদ্ধাৰ (Woman’s severed head and legs rescued) কৰে। ইয়াৰ পিছতে হত্যাৰ গোচৰ ৰুজু কৰি ঘটনাৰ তদন্ত আৰম্ভ কৰে। এই ঘটনাত এতিয়ালৈকে আৰক্ষীয়ে ৩ জন লোকক গ্ৰেপ্তাৰ (3 people arrested) কৰিছে।
বেংগালুৰুৰ বেনাৰঘাট্টা নিবাসী এগৰাকী বিধৱা মহিলা বিগত কিছুদিন ধৰি সন্ধানহীন হৈ আছে। স্থানীয় ৰাইজে জনোৱা মতে, তেওঁ ঘৰত অকলে থাকে। আৰক্ষীয়ে কাষৰ নলাৰ পৰা উদ্ধাৰ কৰে মহিলাগৰাকীৰ মৃতদেহ। স্থানীয় হাবিত উদ্ধাৰ হৈছে মহিলাগৰাকীৰ মূৰ আৰু ভৰি। অৰণ্যখনৰ পৰা আৰক্ষীয়ে গ্ৰেপ্তাৰ কৰে ৩ জন লোকক।
আৰক্ষীৰ সূত্ৰ অনুসৰি, ৩ জন লোকে মহিলাগৰাকীৰ ঘৰত ভাড়াতীয়া হিচাপে বাস কৰিছিল। বহু দিন ভাড়াত থকাৰ পিছত তেওঁলোকে মহিলাগৰাকীক সম্পত্তিৰ এটা অংশ লিখি দিবলৈ জোৰ দি আছিল। আৰক্ষীৰ প্ৰাথমিক ধাৰণা, এই প্ৰস্তাৱত সন্মতি নিদিয়াৰ বাবেই মহিলাগৰাকীক হত্যা কৰা হৈছে।
২ জুনত আৰক্ষীয়ে নলাৰ পৰা মৃতদেহৰ অংগ উদ্ধাৰ কৰে। তদন্তত মহিলাগৰাকীৰ নাম আৰ গীতা বুলি জানিব পৰা গৈছে। তদন্তত আৰক্ষীয়ে গম পায় যে মূলত বিহাৰৰ বাসিন্দা ভাড়াতীয়াই মহিলাগৰাকীক হত্যা কৰিছিল। সাতজন লোক পলায়ন কৰে যদিও প্ৰমাণ লুপ্ত কৰিবৰ বাবে তিনিজন লোক সেই অঞ্চলতে থাকি যায়। শেহতীয়াকৈ মুম্বাইৰ এজন লোকে প্ৰেমিকাক হত্যা কৰি মৃতদেহ কাটি পেলোৱাৰ অভিযোগ উত্থাপন হৈছে। আৰক্ষীয়ে বাল্টিভৰ্তি মৃতদেহৰ অংগসমূহো উদ্ধাৰ কৰে। এই ঘটনাবোৰে বহুতকে শ্ৰদ্ধা ৱাকাৰৰ হত্যাকাণ্ডৰ কথা সোঁৱৰাই দিয়ে। শ্ৰদ্ধাৰ হত্যাকাণ্ডত তেওঁৰ ৰুমমেট আফতাব পুনাৱালাৰ বিৰুদ্ধে প্ৰমাণ বিলুপ্ত কৰাৰ অভিযোগ উত্থাপন হৈছিল। শ্ৰদ্ধাক হত্যা কৰি মৃতদেহ কাটি ফ্ৰীজত ভৰাই অলপ অলপকৈ হাবিত পেলাই দিয়াৰ অভিযোগ আফতাবৰ বিৰুদ্ধে। দিল্লীৰ এই ঘটনাই সমগ্ৰ দেশকে উত্তাল কৰি তোলে।
