‘নানে ভাৰুগিৰেণ’ (Naane Bharugiren)! এ আৰ ৰহমানৰ এই গানত প্ৰাণশক্তি (Life force in this song by AR Rahman) ঘূৰাই পালে তেওঁৰ অনুৰাগীয়ে।
টুইটাৰত এজন অনুৰাগীয়ে সুৰকাৰগৰাকীলৈ মুকলি চিঠি (Open letter to the composer) দিলে! যাৰ বাবে মুগ্ধ নেট জগত।
অস্কাৰ বিজয়ী ৰহমানৰ ছচিয়েল মিডিয়াত অগণন গুনমুগ্ধ অনুৰাগী আছে। ভাৰতীয় চিনেমাই শিল্পীগৰাকীৰ যাদু বহুবাৰ দেখিছে। তেওঁৰ বিস্ময়কৰ কণ্ঠ, তেওঁৰ সুচিন্তিত ৰচনাবোৰ বিশ্বৰ মানুহে উপভোগ কৰে।
শেহতীয়াকৈ এজন সংগীত সুৰকাৰ চেলভাকুমাৰ ডিয়ে টুইটাৰত ৰহমানলৈ এখন মৰ্মস্পৰ্শী মুকলি চিঠি লিখিছে। সুৰকাৰগৰাকীয়ে এবাৰ নিজকে শেষ কৰিব বিচাৰিছিল। সেই সময়ত তেওঁৰ এজন ঘনিষ্ঠ বন্ধুৱে তেওঁক ৰহমানৰ ‘নানে ভাৰুগিৰেণ’ গীত শুনিবলৈ অনুৰোধ কৰিছিল। সেই গীতটোৱেই সুৰকাৰক জীৱনৰ নতুন অৰ্থ বিচাৰি উলিওৱাত সহায় কৰে। গীতটি ৰহমানৰ ‘অ’কে কানমণি’ এলবামৰ (AR Rahman’s ‘OK Kanmani’ album)।
চেলভাকুমাৰে নিজৰ পোষ্টটোত কয়, “অ’কে কানমাণি’ এলবামৰ প্ৰথমটো গীত শুনি মোৰ মনটো কেনেকৈ সলনি হ’ল নাজানো। ঘৰলৈ গৈ দুৱাৰখন বন্ধ কৰি দিলো। একেৰাহে হেডফোনত গানটো শুনি থাকিলো। গানটো শুনিবলৈ প্ৰায় দুদিন ঘৰত আবদ্ধ হৈ থাকিলোঁ। এই গীতটো এতিয়া মোৰ জীৱনতকৈও বেছি।” কেৱল সেয়াই নহয়, তেওঁৰ হাতত এ আৰ ৰহমানৰ নামৰ টেটুও কৰিছে।
