অশান্ত মণিপুৰৰ (Manipur) পৰিস্থিতিৰ বুজ ল’বলৈ মণিপুৰ ভ্ৰমণলৈ ওলাইছে তৃণমূল কংগ্ৰেছৰ (Trinamool Congress) প্ৰতিনিধি দল। নেতৃত্ব দিব ৰাজ্যসভাৰ নেতা ডেৰেক অʼব্ৰাইনে (Derek O’Brien)।
উল্লেখযোগ্য যে মঙলবাৰে অলিম্পিকৰ ৰূপৰ পদক বিজয়ী ভাৰোত্তোলনকাৰী এছ মিৰাবাই চানুৱে (S Mirabai Chanu) ৰাজ্যখনত শান্তি ঘূৰাই অনাৰ বাবে উদ্যোগ লʼবলৈ প্ৰধানমন্ত্ৰী আৰু কেন্দ্ৰীয় গৃহমন্ত্ৰীক অনুৰোধ জনায়। ইয়াৰ পূৰ্বেও একে অনুৰোধ জনাইছিল কিংবদন্তি খেলুৱৈ পিটি উষাই।
চানুৱে কয়, “এতিয়া মই আমেৰিকাত এছিয়ান গেমছ আৰু বিশ্ব চেম্পিয়নশ্বিপৰ বাবে প্ৰস্তুতি চলাই আছো। কিন্তু মোৰ ঘৰ মণিপুৰত, সকলো তাতেই আছে।” চানুৱে কয় যে মণিপুৰত ইটোৰ পিছত সিটোকৈ জীৱন হেৰুওৱা ঘটনাই তেওঁক দুখী কৰি তুলিছে। ইয়াৰ কিছু সময়ৰ পাছতে কংগ্ৰেছ নেতা জয়ৰাম ৰমেশে টুইট কৰি কয়, “প্ৰধানমন্ত্ৰী, এতিয়া অন্ততঃ কিবা এটা কওক।”
উল্লেখ্য, সংঘৰ্ষৰ বাবে সোমবাৰৰ পৰা পুনৰ বন্ধ হৈ পৰিছে ইম্ফল-ডিমাপুৰ ৰাষ্ট্ৰীয় ঘাইপথ। এয়া হৈছে মণিপুৰৰ মূল সৰবৰাহ লাইন।
