কাৰ্বি আংলং (Karbi Anglong) জিলাতো আজি দেশভক্ত তৰুণ ৰাম ফুকনৰ মৃত্যুৰ দিৱসৰ (Death anniversary of Tarun Ram Phukan) লগত সংগতি ৰাখি ‘দেশভক্তি দিৱস’ পালন (Deshbhakti Diwas observed) কৰা হয়। এই উপলক্ষে ডিফু-লামডিং পথৰ ৰংকিমিত অৱস্হিত জিলা তথ্য আৰু গণ সংযোগ বিভাগৰ কাৰ্য্যালয়ত দেশভক্ত তৰুণ ৰাম ফুকনৰ প্ৰতিকৃতিক মাল্যাৰ্পণ আৰু বন্তি প্ৰজ্বলন কৰি শ্রদথাৰে নিবেদন কৰে ক্রমে বিভাগীয় উপ সঞ্চালক গগন নাৰ্জাৰী, তথ্য আৰু গন সংয়োগ বিষয়া উৎপল ডিমাছা, কাৰ্বি লামমেত আমেইৰ উপদেষ্টা লিলাধৰ তেৰন আৰু সংশ্লিষ্ট বিভাগৰ কৰ্মকৰ্তাসকলে।
অনুষ্ঠানত বিভাগীয় উপ-সঞ্চালক গগন নাৰ্জাৰী, জিলা তথ্য আৰু গণ সংযোগ বিভাগৰ বিষয়া উৎপল ডিমাছা আৰু কাৰ্বি লামমেত আমেইৰ উপদেষ্টা লিলাধৰ তেৰনে দেশভক্ত তৰুণ ৰাম ফুকনৰ জীৱন আৰু কৰ্মৰ বিষয়ত উল্লেখ কৰি 1877 চনত 22 জানুৱাৰীত গুৱাহাটীৰ ভৰলুমুখত জন্ম গ্ৰহণ কৰা তৰুণ ৰাম ফুকনে অসমৰ জনসাধাৰণৰ মাজত স্বদেশ প্ৰেমৰ বাৰ্তা প্ৰচাৰ কৰিছিল বুলি মন্তব্য কৰে।
বক্তাসকলে তৰুণ ৰাম ফুকনৰ আদৰ্শ, ত্যাগ আৰু স্বদেশ প্ৰেমৰ বাবে সদায় ৰাইজৰ মাজত প্ৰেৰণা উৎস হৈ ৰ’ব বুলিও আশা প্ৰকাশ কৰে।
