সোমবাৰৰ পৰা আৰম্ভ হৈছে অসম বিধানসভাৰ শৰৎকালীন অধিবেশন (Autumn Session of Assam Legislative Assembly)। এই অধিবেশনৰ প্ৰথম দিনটোত বিধায়ক অখিল গগৈয়ে অসমৰ পৰা বিদেশী বহিষ্কৰণ সন্দৰ্ভত কেইবাটাও প্ৰশ্ন (Questions regarding foreign expulsion) উত্থাপন কৰে। অখিল গগৈ (Akhil Gogoi)য়ে প্ৰশ্ন কৰে যে ২০০১ চনৰ পৰা ২০২৩ চনলৈ কিমান বিদেশী নাগৰিকক চিনাক্তকৰণ তথা ভোটাৰ তালিকাৰ পৰা নাম কৰ্তন বা বহিষ্কৰণ কৰা হৈছে?
ইয়াৰ উত্তৰত গৃহ বিভাগৰ দায়িত্বত থকা মুখ্যমন্ত্ৰী ডঃ হিমন্ত বিশ্ব শৰ্মাই কয় যে ২০০১ চনৰ পৰা ২০২৩ চনলৈ বিদেশী ন্যায়াধীকৰণে মুঠ ১৩১,৬৪৯ গৰাকী বিদেশী লোকক চিনাক্ত কৰিছে। ইয়াৰ বিপৰীতে বহিষ্কাৰ কৰা হৈছে মাত্ৰ ৩,১০০ জন বিদেশীক৷
আনহাতে, চলিত বছৰত এতিয়ালৈকে ২৫ গৰাকী বিদেশীক বহিষ্কাৰ কৰা হৈছে৷ ইয়াৰ উপৰি ৰাজ্যত বিজেপিয়ে শাসনভাৰ লোৱাৰ পিছৰ পৰা, ২০১৬-২০২৩ চনলৈ সাত বছৰত মাত্ৰ ৩৮১ জন বিদেশীকহে বহিষ্কাৰ (Only 381 foreigners deported) কৰিছে । ইয়াৰ উপৰি ২০০১ চনৰ পৰা বৰ্তমানলৈকে মুঠ ৮৯০ জন বিদেশী লোকৰ নাম ভোটাৰ তালিকাৰ পৰা কৰ্তন কৰা বুলি ৰাজ্য চৰকাৰে জনায়৷
