দেওবাৰে অষ্ট্ৰেলিয়াৰ বিৰুদ্ধে ভাৰতে বিশ্বকাপৰ (India’s World Cup against Australia on Sunday) অভিযান আৰম্ভ কৰিব। অৱশ্যে প্ৰথমখন মেচৰ পূৰ্বে ৰোহিত শৰ্মাৰ দলটো বিপদত পৰিছে। ডেংগুত আক্ৰান্ত হৈছে অপেনিং বেটছমেন শুভমন গিল (Batsman Shubman Gill is suffering from dengue)। তেওঁ আগতকৈ সুস্থ হʼলেও ভাৰতীয় দলৰ হৈ কেতিয়া খেলপথাৰত প্ৰৱেশ কৰিব পাৰিব সেয়া নিশ্চিতভাৱে কʼব নোৱাৰি। গতিকে ৰাহুল দ্ৰাবিড়ে তেওঁৰ অবিহনে প্ৰথম একাদশৰ পৰিকল্পনা কৰিব লাগিব।
অষ্ট্ৰেলিয়াৰ বিৰুদ্ধে ভাৰতৰ প্ৰথম এঘাৰত কোন থাকিব পাৰে? সম্ভাৱ্য তালিকাত প্ৰথম স্থানত আছে অধিনায়ক ৰোহিত শৰ্মাৰ নাম। শুভমনৰ অনুপস্থিতিত ঈশান কিষাণ বা লোকেশ ৰাহুলৰ কোনোবা এজনে তেওঁৰ সৈতে অপেনিং কৰিব পাৰে। ঈশানৰ সম্ভাৱনা বেছি। তিনি নম্বৰ স্থানত আহিব বিৰাট কোহলী। বেটিং অৰ্ডাৰত এই ঠাইৰ কথা চিন্তা কৰাৰ কোনো বিকল্প নাই। শ্ৰেয়ছ আয়াৰে চাৰি নম্বৰত বেটিং কৰিব পাৰে। ৰাহুলে অপেনিং নকৰিলে পাঁচ নম্বৰলৈ নামিব পাৰে। তাৰ পিছত আহিব সূৰ্যকুমাৰ যাদৱ। যদি আকৌ ৰাহুলে অপেনিং কৰে তেন্তে সূৰ্যকুমাৰ পাঁচ নম্বৰত আহিব। ঈশান হʼব ছয় নম্বৰ স্থানৰ বেটছমেন। ইয়াৰ পিছত আহিব দুজন অল ৰাউণ্ডাৰ। উপ-অধিনায়ক হাৰ্দিক পাণ্ডিয়াই বেটিং ক্ৰমত সাত নম্বৰলৈ নামিব পাৰে। অষ্টম স্থানত আহিব ৰবীন্দ্ৰ জাডেজা।
কিন্তু বৃহস্পতিবাৰে অনুশীলনত বেটিং কৰি থকা অৱস্থাত হাৰ্দিকে আঙুলিত আঘাত পায়। সতৰ্কতা স্বৰূপে তেওঁক বেটিং কৰিবলৈ দিয়া নহয়। তেওঁৰ আঙুলিত বৰ বেছি বিষ নাই। বলিঙত তেওঁৰ কোনো সমস্যা নাই। দেওবাৰে তেওঁ খেলাৰ সম্ভাৱনা আছে। শেষ মুহূৰ্তত হাৰ্দিক বিফল হʼলে ৰবিচন্দ্ৰন অশ্বিন প্ৰথম একাদশত আহিব পাৰে। তেনে ক্ষেত্ৰত বেটিং অৰ্ডাৰ অলপ সলনি হʼব পাৰে। জাদেজাই সাত নম্বৰত আৰু অশ্বিনে আঠ নম্বৰত বেটিং কৰিব।
বাকী তিনিটা স্থান বলাৰৰ বাবে সংৰক্ষিত। প্ৰথম এঘাৰত দুজন বেগী বলাৰ আৰু এজন বিশেষ স্পিনাৰ থাকিব। বেটিং ক্ৰমত যশপ্ৰীত বুমৰাহ নৱম স্থানত থাকিব। অষ্ট্ৰেলিয়াৰ বিৰুদ্ধে প্ৰথম একাদশত সুযোগ পোৱাৰ সম্ভাৱনা নাই ৰবিচন্দ্ৰন অশ্বিনৰ। মহম্মদ ছামিৰো খেলাৰ সম্ভাৱনা কম। কুলদীপ যাদৱ আৰু মহম্মদ ছিৰাজক সেয়েহে বেটিং ক্ৰমত দশম আৰু একাদশ স্থানত দেখিবলৈ পোৱা যাব পাৰে।
ভাৰতৰ সম্ভাৱ্য প্ৰথম একাদশ : ৰোহিত শৰ্মা (অধিনায়ক), লোকেশ ৰাহুল, বিৰাট কোহলী, শ্ৰেয়ছ আযয়াৰ, সূৰ্যকুমাৰ যাদৱ, ঈশান কিষাণ, হাৰ্দিক পাণ্ডিয়া, ৰবীন্দ্ৰ জাদেজা, যশপ্ৰীত বুমৰাহ, কুলদীপ যাদৱ আৰু মহম্মদ চিৰাজ।
