অসম ৰাজ্যিক গৃহ নির্মাণ পৰিষদৰ ভাড়াঘৰ আঁচনিৰ নামত বোকাখাতত (Bokakhat) বৃহৎ কেলেংকাৰী তথ্য ফাদিল হোৱাত পিচত বোকাখাতত তীব্ৰ প্ৰতিক্ৰিয়াৰ সৃষ্টি হৈছে । এই আঁচনিৰ ভাড়াঘৰ বোকাখাতত চৰকাৰৰ তৃতীয় আৰু চতুৰ্থ বৰ্গৰ কৰ্মচাৰীৰ ঠাইত বিত্তবান আৰু ক্ষমতাশালী লোকৰ নামত আবন্টন দিয়াত অসম জাতীয়তাবাদী যুৱ ছাত্ৰ পৰিষদৰ বোকাখাত জিলা সমিতিয়ে প্ৰতিক্ৰিয়া ব্যক্ত কৰে ৷
২ ফেব্ৰুৱাৰীত বোকাখাতত আয়োজিত এক সংবাদ মেলত জাতীয়তাবাদী সংগঠনটোয়ে মুখ্যমন্ত্ৰীৰ হস্তক্ষেপ বিচাৰি স্মাৰক পত্ৰ প্ৰেৰণ কৰে অসম জাতীয়তাবাদী যুৱ ছাত্ৰ পৰিষদৰ বোকাখাত জিলা সমিতিয়ে । পৰিষদৰ জিলা সভাপতি নীলোৎপল খাউণ্ড , ৰাজ্যিক উপ সভাপতি বিপুল বৰা, জিলা সম্পাদক প্ৰাঞ্জল ভড়ালী, প্ৰচাৰ আৰু তথ্য সম্পাদক কিশোৰ ছেত্ৰীকে ধৰি বিষয়ববীয়া সকলৰ উপস্থিতত অনুষ্ঠিত এই সংবাদ মেলত সংগঠনটোৰ তৰফৰ পৰা এই কেলেংকাৰীৰ বিৰুদ্ধে ক্ষোভ ব্যক্ত কৰে ।
সংবাদ মেলত পৰিষদৰ সভাপতি নীলোৎপল খাউণ্ডে কয় যে বোকাখাতৰ ক্ষমতাশালী আৰু ৰাজনৈতিক কিছু লোকে ভুৱা শপতনামা যোগে উক্ত গৃহৰ কোঠা আবন্টন লোৱাটো অতিকৈ দুৰ্ভাগ্যজনক তথা আইন বিৰোধী কথা ৷ এনে লোকৰ গৃহৰ আবন্টন বাতিল কৰি আইনী ব্যৱস্থাৰে দৃষ্টান্তমূলক শাস্তিৰ দাবী জনায় সংগঠনটোয়ে ৷ অন্যথা আইনৰ আশ্ৰয় লোৱাৰ হুংকাৰ দিয়ে জাতীয়তাবাদী যুৱ ছাত্ৰ পৰিষদে ৷ তদুপৰি বোকাখাতত গো আইনক উলংঘা কৰি আৰম্ভ হোৱা চিণ্ডিকেটৰ বিষয়টো দুৰ্ভাগ্যজনক বুলি আখ্যা দিয়ে সংবাদ মেলত।
গৰু চিণ্ডিকেটৰ জড়িয়তে অবাধ হাৰত হোৱা গৰু চুৰিৰ দুস্কাৰ্যই মানুহক বিপদত পেলাইছে বুলি উল্লেখ কৰি কয় যে এই বিষয়ে দোষীক বিচাৰি উলিয়াই দৃষ্টান্তমূলক শাস্তি প্ৰদান কৰিবলৈকো অসমৰ মুখ্যমন্ত্ৰী ড° হিমন্ত বিশ্ব শৰ্মাক স্মাৰক পত্ৰযোগে আবেদন জনোৱ বুলি সংবাদ মেলত অৱগত কৰে। লগতে চৰকাৰী অনুমতি অবিহনে বোকাখাতৰ মাজেদি অবৈধ গৰু সৰবৰাহ সন্দৰ্ভত এনে কাৰ্যৰ পৰা বিৰত থাকিবলৈ সকলো পক্ষকে আহ্বান জনায়।
