দেওবাৰে পুৱা ৯ বজাৰ পৰা ৫ আৰু ৬ এপ্রিল দুদিনীয়া কার্য্যসূচীৰে ডিফু ক্লাৱ প্রাঙ্গনত (Diphu Club premises) ডিফু কেন্দ্রীয় বিহু উদযাপন (Rangali Bihu Celebrations in Diphu) সমিতিৰ উদ্যোগত বর্ণাঢ্য কার্য্যসূচীৰে ৰঙালী বিহু উদযাপন কৰা হৈ আছে। প্রথম দিনৰ কাৰ্য্যসূচী অনুসৰি পুৱাৰ ভাগত ডিফুৰ ২৮টা বিভিন্ন অনুষ্ঠান-প্রতিষ্ঠানৰ পতাকা উত্তোলন কৰাৰ পিছত ক্রমান্বয়ে শ্বহীদ তর্পন আৰু- বিভিন্ন খেল-ধেমালী অনুষ্ঠিত কৰা হয়।
আনহাতে প্রথম দিনৰ কার্য্যসূচীৰ লগত সংগতি ৰাখি, শিশু, আৱাল বৃদ্ধ বণিতাসকলে একেলগে বিহু নাচি ৰঙালী বিহুৰ আনন্দত অংশীদাৰ হয়। কাইলৈ সাংস্কৃতিক সন্ধিয়াৰ মুখ্য আকর্ষণ হ’ব অসমৰ স্বনামধন্য গীতিকাৰ ভৃগু কাশ্যপ৷ ইয়াৰোপৰি বিভিন্ন সাংস্কৃতিক গোষ্ঠীয়ে য়ে নৃত্য-গীত প্রদর্শন কৰিব বুলি জানিব পৰা গৈছে।
