বিজেপিশাসিত মধ্যপ্ৰদেশত (Madhya pradesh) এজন দলিত যুৱকক গণপ্ৰহাৰ। ছটাৰপুৰ জিলাৰ উক্ত ঘটনাত যুৱকজন গুৰুতৰভাৱে আহত হয়। ইতিমধ্যে এই ঘটনাৰ লগত জড়িত থকাৰ সন্দেহত তিনিজন লোকক গ্ৰেপ্তাৰ কৰিছে আৰক্ষীয়ে।
ঘটনাৰ ভিডিঅ’ ছ’চিয়েল মিডিয়াত ভাইৰেল হোৱাৰ লগে লগে সমগ্ৰ মধ্যপ্ৰদেশতে বিতৰ্কৰ সৃষ্টি হয়। যুৱকজনক কিয় প্ৰহাৰ কৰা হৈছে সেই সন্দৰ্ভত আৰক্ষীয়ে একো জনোৱা নাই। বুধবাৰে ছাটাৰপুৰৰ আৰক্ষী অধীক্ষক আগম জৈনে কয়, “যুৱকজন নিশা ঘৰলৈ উভতি যোৱাৰ সময়ত অভিযুক্তই কোটৱালি থানাৰ পৰা লৈ গৈ প্ৰহাৰ কৰে।”
ছ’চিয়েল মিডিয়াত বিয়পি পৰা ভিডিঅ’টোত দেখা গৈছে যে ভুক্তভোগীৰ মূৰ ফাটি তেজ বৈ গৈছে। তেনে পৰিস্থিতিতে একাংশ আক্ৰমণকাৰীয়ে তেওঁক বেল্ট আৰু পিষ্টলেৰে আঘাত কৰি আছে।
আৰক্ষী অধীক্ষকে জনোৱা মতে, ভিডিঅ’টো চোৱাৰ পিছতে তেওঁলোকৰ পৰিচয় সম্পৰ্কে জ্ঞাত হোৱাৰ পিছতে তিনিজন অভিযুক্ত দেৱ ওৰফে দেৱেন্দ্ৰ ঠাকুৰ, লাকী ঘোষী আৰু অনু ঘোষীক গ্ৰেপ্তাৰ কৰা হয়।
তেওঁলোকৰ পৰা জব্দ কৰে এটা পিষ্টল। জৈনে কয় যে তদন্তত প্ৰকাশ পাইছে যে গ্ৰেপ্তাৰ হোৱা তিনিজন অভিযুক্তৰ বিৰুদ্ধে পূৰ্বেও অপৰাধমূলক গোচৰ ৰুজু কৰা হৈছে।
