পেৰিছ অলিম্পিক (Paris Olympics)ৰ প্ৰথম দিনটোতে ভাৰতৰ বাবে সুখবৰ। যোগ্যতা অৰ্জনৰ ৰাউণ্ড খেলি ভাৰতীয় মহিলা আৰ্চাৰী (Indian Women’s Archery Team) দলটোৱে পোনপটীয়াকৈ কোৱাৰ্টাৰ ফাইনেললৈ যোগ্যতা অৰ্জন (Qualifying for quarter-finals) কৰে। দীপিকা কুমাৰী, অংকিতা ভকত আৰু ভজন কৌৰে পোনপটীয়াকৈ অন্তিম আঠত খেলিব।
উল্লেখযোগ্য যে যদিও ২৬ জুলাইত (on July 26) অলিম্পিকৰ আনুষ্ঠানিক উদ্ধোধন (Olympics will be officially inaugurated) হ’ব, ইতিমধ্যে কিছু প্ৰতিযোগিতা আৰম্ভ হৈছে। বৃহস্পতিবাৰে আৰ্চাৰীৰ মহিলাৰ ব্যক্তিগত আৰু দলীয় ৰেংকিং ইভেণ্ট অনুষ্ঠিত হয়। তাত দীপিকা, অংকিতা আৰু ভজনে চতুৰ্থ স্থান দখল কৰে। তেওঁলোকে মুঠ ১৯৮৩ পইণ্ট লাভ কৰে। ইয়াৰ ভিতৰত অংকিতাই সৰ্বাধিক ৬৬৬ পইণ্ট লাভ কৰে। ভজনে ৬৫৯ পইণ্ট সংগ্ৰহ কৰে। দীপিকাই ৬৫৮ পইণ্ট সংগ্ৰহ কৰে।
এই শাখাত দক্ষিণ কোৰিয়াই প্ৰথম স্থান লাভ কৰে। তেওঁলোকে লাভ কৰে ২০৪৬ পইণ্ট। দ্বিতীয় স্থান লাভ কৰা চীনে ১৯৯৬ পইণ্ট লাভ কৰে। মেক্সিকোৱে তৃতীয় স্থান লাভ কৰে। তেওঁলোকে ১৯৮৬ পইণ্ট স্ক’ৰ কৰে। অৰ্থাৎ ভাৰতে মাত্ৰ ৩ পইণ্টৰ বাবে চতুৰ্থ স্থান দখল কৰিবলগা হয়। শীৰ্ষ স্থানত থকা দক্ষিণ কোৰিয়াতকৈ ৬৩ পইণ্ট কমকৈ ভাৰতে লাভ কৰে। ৰেংকিং ৰাউণ্ডত দক্ষিণ কোৰিয়াই অলিম্পিকৰ অভিলেখ গঢ়ে।
মহিলা দলীয় শাখাৰ কোৱাৰ্টাৰ ফাইনেলত ফ্ৰান্স বনাম নেদাৰলেণ্ডৰ বিজয়ী দলৰ বিৰুদ্ধে ভাৰতে খেলিব। উক্ত মেচখনত যদি দীপিকা আৰু অংকিতাই জয়লাভ কৰে তেন্তে ছেমি ফাইনেলত দক্ষিণ কোৰিয়াৰ মুখামুখি হ’ব। আনহাতে, ভাৰতে তৃতীয় স্থান লাভ কৰিলে ছেমি ফাইনেলত চীনৰ বিৰুদ্ধে খেলিব লাগিব।
দলীয় শাখাত ভাৰতীয় ধনুৰ্বিদসকলে ভাল প্ৰদৰ্শন কৰে যদিও ব্যক্তিগত শাখাত বিশেষ ভাল প্ৰদৰ্শন কৰা নাই। অংকিতাই ৬৬৬ পইণ্ট লাভ কৰি ১১ নম্বৰ স্থান দখল কৰে। ২২ নম্বৰ স্থানত আছে ভজন। তেওঁ ৬৫৯ পইণ্ট লাভ কৰে। ৬৫৮ পইণ্ট লাভ কৰি ২৩ নম্বৰ স্থানত আছে দীপিকা।
