অলিম্পিকত ভাৰতে (India at the Paris Olympics) লাভ কৰিছে আন এক পদক। ভাৰতৰ স্বপ্নিল কুছালে (Swapnil Kusale)য়ে ৫০ মিটাৰ ৰাইফল থ্ৰী পজিচন (50m rifle three position)ত ব্ৰঞ্জৰ পদক লাভ (Bronze medal) কৰে। ভাৰতে এতিয়ালৈকে লাভ কৰা তিনিওটা পদক শ্বুটিঙৰ পৰাই আহিছে। মনু ভাকেৰ, সৰবজ্যোত সিঙৰ পিছত তৃতীয়টো পদক আহিল স্বপ্নিলৰ হাতেৰে। অলিম্পিকত প্ৰথমবাৰৰ বাবে ৫০ মিটাৰ ৰাইফল থ্ৰী পজিচনত পদক অৰ্জন কৰে ভাৰতে।
ফাইনেলত যোগ্যতা অৰ্জন কৰিলেও বহুতে বিশ্বাস কৰিব পৰা নাছিল যে স্বপ্নিলে এই কঠিন ইভেণ্টৰ পৰা পদক আনিব পাৰিব। তেওঁৰ আৰম্ভণি ইমান নাছিল। প্ৰথমে আছিল ‘নিলিং’ অৰ্থাৎ আঁঠু লৈ গুলী চলোৱা। তাত তেওঁ প্ৰথম ছিৰিজত (পাঁচটা শ্বট) ৫০.৮ ৰান সংগ্ৰহ কৰে। আৰম্ভণিতে নামি যায় সাত নম্বৰলৈ। পৰৱৰ্তী ছিৰিজত স্ক’ৰ অলপ ভাল আছিল, ৫০.৯। তৃতীয় ছিৰিজত তেওঁ ৫১.৬ পইণ্ট সংগ্ৰহ কৰে।
ইয়াৰ পিছত ‘প্ৰ’ন’ অৰ্থাৎ বুকুত ভৰ দি গুলী চলোৱাত তেওঁ প্ৰতিটো ছিৰিজতে ভাল স্ক’ৰ লাভ কৰে। ৫২.৭, ৫২.২ আৰু ৫১.৯ স্ক’ৰ কৰি চতুৰ্থ স্থান দখল কৰে। ইয়াৰ পিছত তেওঁ দুটা ছিৰিজ ‘ষ্টেণ্ডিং’ অৰ্থাৎ ষ্টেণ্ডিং শ্বুটিং কেটেগৰীত ৫১.১ আৰু ৫০.৪ স্ক’ৰ লাভ কৰে। তেতিয়াই তেওঁ তিনি নম্বৰলৈ উঠি আহে আৰু পদকৰ সম্ভাৱনা প্ৰকাশ পায়।
ইয়াৰ পিছতো যুদ্ধ চলি থাকে। এটা শ্বটৰ পিছত আছিল ‘এলিমিনেচন’। অৰ্থাৎ এজনক বাদ দিয়া। তিনি নম্বৰ স্থান অক্ষুণ্ণ ৰখাৰ প্ৰত্যাহ্বান আছিল স্বপ্নিলৰ। প্ৰথম শ্বটত ১০.৪ স্ক’ৰ কৰাৰ পিছত দ্বিতীয় আৰু তৃতীয় শ্বটত ৯.৪ আৰু ৯.৯ স্ক’ৰ কৰে। অৱশ্যে চতুৰ্থ স্থান দখল কৰা খেলুৱৈগৰাকীৰ সৈতে ইমানেই পাৰ্থক্য আছিল যে স্বপ্নিলে তৃতীয় স্থানত থাকি ব্ৰঞ্জৰ পদক লাভ কৰে।
কিন্তু ব্ৰঞ্জৰ পৰা ৰূপৰ পদক লাভ কৰিবলৈ স্বপ্নিলে এটা ভাল শ্বট মাৰিবলগীয়া হৈছিল। তেওঁ ১০.০ স্ক’ৰ কৰে। দ্বিতীয় স্থানত ছেৰহি কুলিশৰ মাজত ০.৬ পইণ্টৰ ব্যৱধান। ফলত ৰূপৰ পদক লাভ কৰিবলৈ কুলিছে ৯.৩ স্ক’ৰ কৰিবলগা হয়। তেওঁ ৯.৯ স্ক’ৰ কৰি ৰূপৰ পদক লাভ কৰে। সোণৰ পদক লাভ কৰে চীনৰ ইউকুন লিউৱে।
