পেৰিছ অলিম্পিক (Paris Olympics)ত তৃতীয়টো পদক লাভ কৰিবলৈ সক্ষম নহ’ল (Could not win the third medal) মনু ভাকেৰে (Manu Bhaker)। ২২ বছৰীয়া শ্বুটাৰগৰাকীয়ে মহিলাৰ ২৫ মিটাৰ পিষ্টল ইভেণ্ট (Women’s 25m Pistol Event)ত চতুৰ্থ স্থান দখল কৰে। যাৰ বাবে নতুন ইতিহাস সৃষ্টিৰ পৰা তেওঁ বঞ্চিত হৈ ৰ’ল। ভাল আৰম্ভণিৰ পিছতো অষ্টম শৃংখলাৰ বিফলতাৰ বাবে মনুৱে পদক হেৰুৱাবলগীয়া হয়। ইয়াৰ পূৰ্বে দুটাকৈ পদক লাভ কৰাৰ পাছত ভাৰতীয় ক্ৰীড়াপ্ৰেমীসকলৰ মাজত তেওঁক লৈ যথেষ্ট আশাৰ সৃষ্টি হৈছিল।
মনু আৰু হাংগেৰীৰ ভেৰ’নিকা মেজৰ দুয়োগৰাকীয়ে অষ্টম ৰাউণ্ডৰ পিছত ২৮ পইণ্ট লাভ কৰে। কিন্তু টাইব্ৰেকাৰত জয়ী হ’ব নোৱাৰিলে মনু। ভাৰতীয় শ্বুটাৰগৰাকীয়ে পাঁচটা শ্বটৰ ভিতৰত তিনিটা শ্বটত টাৰ্গেটত আঘাত কৰিব নোৱাৰিলে। ফলত তেওঁ চতুৰ্থ স্থানত অন্ত পেলায়। মহিলাৰ ২৫ মিটাৰ পিষ্টল ইভেণ্টত ব্ৰঞ্জৰ পদক লাভ কৰে ভেৰ’নিকাই। এই ইভেণ্টত দক্ষিণ কোৰিয়াৰ জিন ইয়াঙে সোণৰ পদক লাভ কৰে। আনহাতে, ফ্ৰান্সৰ কেমিল জ্জেস্কিয়ে ৰূপৰ পদক লাভ কৰে।
উল্লেখযোগ্য যে এই ইভেণ্টৰ অন্যতম পদক প্ৰতিদ্বন্দ্বী আছিল মনু। ফাইনেলত তেওঁ দ্বিতীয় স্থান লাভ কৰে। তেওঁ ইয়াঙৰ পৰা ১ পইণ্ট পিছ পৰি আছিল। কিন্তু অষ্টম ছিৰিজত তিনিটা শ্বটত লক্ষচ্যুত হৈ পিছপৰি ৰয়। শেষত তাৰ মূল্য ভৰিবলগা হ’ল। এইবাৰ অলিম্পিকত অন্তিমখন ইভেণ্টত পদক হেৰুৱাই হতাশ হৈ পৰিছে মনু।অৱশ্যে তেওঁ মানি লৈছে যে চাপৰ বাবে তেওঁ আশা কৰা ধৰণে প্ৰদৰ্শন কৰিব নোৱাৰিলে।
