পেৰিছ অলিম্পিক (Paris Olympics)ত চীনৰ হুয়াং য়াকিয়ঙে (Huang Yaqiong of China) সোণৰ পদক জয় (Winning the gold medal) কৰাৰ লগতে কাৰোবাৰ হৃদয়ো জয় কৰে। যাৰ বাবে পদক লাভ কৰাৰ পিছতে প্ৰেমিক য়ুচেনে বিয়াৰ প্ৰস্তাৱ (Boyfriend Yussen proposes marriage) আগবঢ়াই আঙঠিও পিন্ধায় (Wears rings too)। শুকুৰবাৰে এই দৃশ্যৰ সাক্ষী হয় প্ৰেমৰ চহৰ পেৰিছ।
দেশৰ হৈ পদক লাভ কৰিবলৈ পেৰিছলৈ গৈছিল য়াকিয়ং আৰু য়ুচেন। এই পৰ্যন্ত বেডমিণ্টনত মাত্ৰ এটা পদকহে লাভ কৰিছে চীনে। য়াকিয়ঙে সেই পদকটো লাভ কৰে। অৱশ্যে তেওঁৰ প্ৰেমিক য়ুচেন ব্যৰ্থ হয় পদক জয়ত। তেওঁ পুৰুষৰ ডাবলছ ইভেণ্টত আছিল। কিন্তু প্ৰেমিকাই সোণৰ পদক জয় কৰাৰ লগে লগে য়ুচেনে বিয়াৰ প্ৰস্তাৱ দিয়ে। কেৱল সেয়াই নহয়, আঁঠুকাঢ়ি য়াকয়ঙক আঙঠিও পিন্ধাই দিয়ে।
পেৰিছৰ লা চেপেল এৰিনাত তেওঁ ভৰ্তি দৰ্শক। সকলোৱে চিঞৰি চিঞৰি য়ুচেনক উৎসাহিত কৰে।
য়াকিয়ঙে কয়, “মই বৰ সুখী। মোৰ আৱেগবোৰ শব্দৰে প্ৰকাশ কৰিব নোৱাৰো। সোণ পোৱাটো মোৰ কষ্টৰ ফল। আৰু বিয়াৰ প্ৰস্তাৱ এটা পাই আচৰিত হ’লোঁ। এনেকুৱা হ’ব বুলি ভবা নাছিলো। কেনেকৈ উদযাপন কৰিব লাগে সেইটো এতিয়াও ভবা নাই।”
উল্লেখযোগ্য যে টকিঅ’ অলিম্পিকত য়ুচেনে ৰূপৰ পদক লাভ কৰিছিল যদিও এইবাৰ অৱশ্যে গ্ৰুপ পৰ্যায়ৰ পৰাই আঁতৰি যাব লগা হৈছে। পুৰুষৰ ডাবলছত য়ুচেন আৰু তেওঁৰ সতীৰ্থ জুয়ান য়িয়ে কঠিন যুঁজৰ সন্মুখীন হ’বলগীয়া হয়। আনহাতে, ইয়াকিয়ং আৰু জেন ছি ৱেইয়ে প্ৰথমবাৰৰ বাবে সোণৰ পদক লাভ কৰে। ফাইনেলত ২১-৮, ২১-১১ ব্যৱধানত জয়লাভ কৰে।
