আৰ জি কৰ হাস্পতাল (RG Kar Hospital)ত নিহত চিকিৎসকৰ নাম আৰু ছবি প্ৰকাশ (Name and photograph of the deceased doctor was released) কৰি মুখ্যমন্ত্ৰী মমতা বেনাৰ্জীক হত্যাৰ ভাবুকি (Mamata Banerjee receives death threats) দিয়াৰ অভিযোগত তালতলাৰ পৰা এজন ব্যক্তিক গ্ৰেপ্তাৰ (One person arrested) কৰা হৈছে। ইনষ্টাগ্ৰাম পোষ্টৰ ভিত্তিত তেওঁৰ বিৰুদ্ধে এজাহাৰ দাখিল কৰা হয়। সোমবাৰে তালতলা আৰক্ষীয়ে অভিযুক্তক গ্ৰেপ্তাৰ কৰে।
আৰক্ষীৰ সূত্ৰ অনুসৰি, অভিযুক্তই ‘কিৰ্টিছ’চিয়েল’ নামৰ এটা হেণ্ডেলৰ পৰা ইনষ্টাগ্ৰামত আৰ জি কৰ কাণ্ডৰ সৈতে জড়িত কেইবাটাও পোষ্ট কৰিছিল। তিনিওটা পোষ্টতে জানিব পৰা গৈছে ভুক্তভোগীৰ নাম আৰু ফটো। এই পোষ্টবোৰ যথেষ্ট আপত্তিজনক বুলিও অভিযোগ উত্থাপন হৈছে। ইয়াৰ উপৰি আন দুটা পোষ্টৰ ভিত্তিত তেওঁৰ বিৰুদ্ধে থানাত এজাহাৰ দাখিল কৰা হয়। এই পোষ্ট দুটাত মুখ্যমন্ত্ৰীৰ বিৰুদ্ধে অপমানজনক আৰু গালি-গালাজৰ মন্তব্য প্ৰকাশ পাইছিল। অভিযোগ অনুসৰি, মুখ্যমন্ত্ৰীক মৃত্যুৰ ভাবুকিও দিয়া হৈছিল।
ইনষ্টাগ্ৰাম পোষ্টৰ ভিত্তিত এজাহাৰ দাখিল কৰাৰ পিছতে আৰক্ষীয়ে তদন্ত আৰম্ভ কৰে। অভিযোগ অনুসৰি, মুখ্যমন্ত্ৰীৰ বিৰুদ্ধে অভিযোগ উত্থাপন কৰা পোষ্টসমূহ অতি উত্তেজক আছিল। যিকোনো সময়তে সেই মন্তব্যৰ ভিত্তিত সামাজিক অশান্তি আৰু আন্তঃগোষ্ঠীয় হিংসা বিয়পিব পাৰে। আৰক্ষীয়ে অভিযুক্তৰ জেৰা অব্যাহত ৰাখিছে।
