হাৰিয়ানাৰ আগন্তুক বিধানসভা নিৰ্বাচন (Haryana Assembly Elections)ত কংগ্ৰেছ প্ৰাৰ্থী বিনেশ ফোগাট (Congress candidate Vinesh Phogat)ৰ বিৰুদ্ধে (against) যুঁজিব বিজেপিৰ যোগেশ বৈৰাগী (BJP’s Yogesh Bairagi)য়ে। আজি বিজেপিয়ে আগন্তুক বিধানসভা নিৰ্বাচনৰ দ্বিতীয়খন ২১ জনীয়া প্ৰাৰ্থী তালিকা প্ৰকাশ কৰে। ঘোষিত তালিকাত আটাইতকৈ বিশেষ প্ৰাৰ্থীজন হৈছে কেপ্টেইন যোগেশ বৈৰাগী। জুলানা সমষ্টিত বিনেশৰ বিৰুদ্ধে তেওঁ প্ৰতিদ্বন্দ্বিতা আগবঢ়াব। উল্লেখ্য যে কেপ্টেইন যোগেশ বৈৰাগী হৈছে বিজেপিৰ হাৰিয়ানা যুৱ শাখাৰ ৰাজ্যিক উপ-সভাপতি। তেওঁ হাৰিয়ানা বিজেপি স্প’ৰ্টছ চেলৰো সহ-আহ্বায়ক।
উল্লেখ্য যে অহা ৫ অক্টোবৰত অনুষ্ঠিত হ’ব হাৰিয়ানা বিধানসভাৰ নিৰ্বাচন। ৮ অক্টোবৰত ঘোষণা হ’ব ফলাফল। ৯০ খন আসনৰ হাৰিয়ানা বিধানসভাৰ প্ৰথম পৰ্যায়ত বিজেপিয়ে ৬৭ গৰাকী প্ৰাৰ্থীৰ তালিকা ঘোষণা কৰে। আজি ঘোষণা কৰা হয় বাকী ২১ জন প্ৰাৰ্থীৰ নাম।
