ঘোঁৰাত উঠি (Riding a horse) ভোট দিবলৈ যায় (Goes to vote) বিজেপিৰ সাংসদ নবীন জিন্দালে (BJP MP Naveen Jindale)। শনিবাৰে হাৰিয়ানাত চলি আছে বিধানসভা নিৰ্বাচন। ঘোঁৰাত উঠি কুৰুক্ষেত্ৰৰ এটা ভোটগ্ৰহণ কেন্দ্ৰত ভোটদান কৰে সাংসদগৰাকীয়ে। ভোট দিবলৈ ওলাই গৈ তেওঁ কয়, “মই ঘোঁৰাত উঠি ভোট দিবলৈ আহিছো। কাৰণ ইয়াক শুভ বুলি গণ্য কৰা হয়।” তাৰ পিছত সাংসদগৰাকীয়ে কয়, “মোৰ মাতৃ সাবিত্ৰী জিন্দালে হিছাৰৰ পৰা যুঁজিছে। তাত তেওঁ উন্নয়ন কৰিব বিচাৰে। এতিয়া ৰাইজে ল’ব সিদ্ধান্ত।” তেওঁ লগতে কয়, “নিৰ্বাচনক লৈ মানুহৰ মাজত উৎসাহ দেখিছোঁ৷ সকলোৱে ভোট দি আছে। আশাকৰো ইয়াৰ ৰাইজে বিজেপিক আশীৰ্বাদ দিব। হাৰিয়ানা (Haryana)ই বিজেপিক ভোটেৰে উপচাই দিব। পুনৰ মুখ্যমন্ত্ৰী হ’ব নয়ব সিং ছাইনী।”
উল্লেখ্য, পুৱা ৭ বজাৰ পৰা হাৰিয়ানাত চলি আছে ভোটগ্ৰহণ। সন্ধিয়া ৬ বজালৈকো চলিব। এই নিৰ্বাচনত মুঠ ভোটাৰৰ সংখ্যা দুই কোটিতকৈও অধিক। মহিলা ভোটাৰৰ সংখ্যা প্ৰায় ৯৬ লাখ। প্ৰাৰ্থীৰ সংখ্যা ১০৩১ গৰাকী । মুঠ ভোটকেন্দ্ৰৰ সংখ্যা ২০৬২৯টা। আৰক্ষীৰ লগতে অৰ্ধসামৰিক বাহিনীও নিৰাপত্তাৰ দায়িত্ব আছে। ৩০ হাজাৰৰো অধিক আৰক্ষী জোৱান আৰু কেন্দ্ৰীয় বাহিনীৰ ২২৫টা কোম্পানীক ভোটগ্ৰহণৰ বাবে নিয়োগ কৰা হৈছে।
