আজি অৱসৰ ল’ব দেশৰ মুখ্য নিৰ্বাচন আয়ুক্ত ৰাজীৱ কুমাৰে। আনহাতে, নিৰ্বাচন আয়ুক্ত বাছনি সমিতিৰ (Election Commissioner Selection Committee) তিনি সদস্য ক্ৰমে প্ৰধানমন্ত্ৰী নৰেন্দ্ৰ মোডী, কেন্দ্ৰীয় গৃহমন্ত্ৰী অমিত শ্বাহ আৰু লোকসভাৰ বিৰোধী দলপতি ৰাহুল গান্ধীয়ে সোমবাৰে এক বৈঠকত মিলিত হৈ তেওঁৰ উত্তৰাধিকাৰী বাছনি কৰে। নিশা কেন্দ্ৰৰ পৰা জাৰি কৰা এক বিবৃতি অনুসৰি, নিৰ্বাচন আয়ুক্ত (Election Commissioner) জ্ঞানেশ কুমাৰ (Gyanesh Kumar)ক মুখ্য নিৰ্বাচন আয়ুক্ত (Chief Election Commissioner) হিচাপে নিযুক্তি (Recruitment) দিয়া হৈছে। মুখ্য নিৰ্বাচন আয়ুক্তৰ দৌৰত থকা দুগৰাকী নিৰ্বাচন আয়ুক্তৰ ভিতৰত জ্ঞানেশ অন্যতম আছিল। জম্মু-কাশ্মীৰৰ বিশেষ মৰ্যাদা প্ৰত্যাহাৰ কৰাত তেওঁ যথেষ্ট সহায় কৰিছিল। আনহাতে, জ্ঞানেশ কুমাৰৰ পদত বিবেক যোশীক নিযুক্তি দিয়া হৈছে।
অৱশ্যে বৈঠকত ৰাহুল গান্ধীয়ে নিৰ্বাচন আয়ুক্তক নতুনকৈ নিযুক্তি দিয়াত আপত্তি কৰে। বৰ্তমান বাছনি সমিতিৰ তিনিজন সদস্যৰ ভিতৰত দুজন হৈছে চৰকাৰৰ। সেয়ে ৰাহুল গান্ধীয়ে যুক্তি দিয়ে, “নিৰ্বাচন সমিতিৰ সিদ্ধান্ত সদায় একপক্ষীয় হ’ব।” বিগত সময়ত প্ৰধানমন্ত্ৰী, বিৰোধী দলৰ নেতা, দেশৰ মুখ্য ন্যায়াধীশৰ বাহিৰেও কমিটীৰ তৃতীয় সদস্য আছিল। কিন্তু সেই নিয়মৰ ঠাইত চৰকাৰে মুখ্য ন্যায়াধীশৰ সলনি তৃতীয় ব্যক্তি হিচাপে কেন্দ্ৰীয় মন্ত্ৰীক অন্তৰ্ভুক্ত কৰে। উক্ত সিদ্ধান্তৰ বিৰুদ্ধে ২২ ফেব্ৰুৱাৰীত উচ্চতম ন্যায়ালয়ত শুনানি গ্ৰহণ কৰা হ’ব। যিহেতু সন্মুখত কোনো নিৰ্বাচন নাই, সেয়ে বৈঠকত ৰাহুল গান্ধীয়ে প্ৰশ্ন কৰে যে ইমান সোনকালে মুখ্য নিৰ্বাচন আয়ুক্তক নিযুক্তি দিয়াৰ কি প্ৰয়োজন?
