বহু প্ৰত্যাশিত ছবি “ৰঘুপতি” ৰ শ্বুটিং বৰ্তমান সামৰণি পথত। ইনষ্টাগ্ৰাম যোগে এক পোষ্ট কৰি এই কথা দৰ্শকক জনায় অভিনেতা ৰবি শৰ্মাই। বাণিজ্যিকভাৱে সফল হ’ব বুলি দাবী কৰা “ৰঘুপতি” ক লৈ এতিয়া উৎসাহিত ৰবি শৰ্মাৰ লগতে সমগ্ৰ অসমীয়া চলচিত্ৰ প্ৰেমী। জুবিন-যতীনৰ দুয়োখন ছবি ক্ৰমে “কাঞ্চনজংঘা” তথা “ৰত্নাকৰ” ৰ বহুল সফলতাৰ পিছত ৰবি শৰ্মাৰ এই ছবিখনে আকৌ এবাৰ অসমীয়া ছবি জগতলৈ সুখময় বাৰ্তা কঢ়িয়াব বুলি একাষাৰে ক’ব পৰা যায়।
সুব্ৰত কাকতিৰ পৰিচালনাৰে নিৰ্মিত এই ছবিখনৰ কাহিনী হৈছে ৰবি শৰ্মাৰ নিজৰ। ৰবি শৰ্মাৰ লগতে ছবিখনৰ কেইবাটাও গুৰুত্বপূৰ্ণ চৰিত্ৰত অভিনয় কৰিছে অৰুন নাথ , ৰীনা বৰা ,মাধুৰিমা চৌধৰী ,সিদ্বাৰ্থ মুখাৰ্জী , প্ৰীতি কংকনা , সিদ্বাৰ্থ শৰ্মা , অৰুন হাজৰিকা , মনজিৎ শৰ্মা , প্ৰিয়ম পল্লবী , সীমা বৰা , ৰাজ শৰ্মা , অন্তৰীক্ষ চহৰীয়া , মৃদুল কাকতি , বনশ্ৰী কাকতি , জ্যেষ্ঠ অভিনেতা হৰিপ্ৰসাদ বৰঠাকুৰ আৰু পৰান বৰঠাকুৰকে ধৰি কেইবাগৰাকীও ন-পূৰণি শিল্পীয়ে। “ৰঘুপতি” ৰ প্ৰযোজনা কৰিছে সৰোজ শৰ্মাই।
