বাংলাদেশৰ প্ৰধানমন্ত্ৰী (Bangladesh PM) তাৰিক ৰহমানৰ অন্যতম উপদেষ্টা (Advisor of Tariq Rahman) জাহিদ-উৰ ৰহমান (Zahid-ur Rahman)ক দিল্লীত প্ৰৱেশ কৰাত বাধা (Entry blocked in Delhi) দিয়াৰ অভিযোগ। দিল্লী বিমানবন্দৰত দুঘণ্টা আবদ্ধ হৈ আছিল। ইয়াৰ পিছত চহৰত প্ৰৱেশৰ বাবে প্ৰয়োজনীয় অনুমতি লাভ কৰা হয়। অৱশ্যে জাহিদে পুনৰ দিল্লীত প্ৰৱেশ কৰাৰ কথা চিন্তা নকৰিলে। বাংলাদেশৰ সংবাদ মাধ্যম প্রথম আলোৰ মতে, এই ঘটনাৰ কাৰণ আৰু দেশখনত সঠিকভাৱে কি হৈছিল তাৰ তদন্ত চলি আছে৷ বিষয়টো তদন্ত কৰাৰ পিছত প্ৰাসংগিক ব্যৱস্থা গ্ৰহণ কৰিব পাৰে।
দিল্লীত আয়োজন কৰা হৈছে ছিনিয়ৰ এফেয়াৰ্ছ এছ’চিয়েচন অৱ ইণ্ডিয়ান অ’চেন ৰিম চি এইচ চিৰ ২৮ সংখ্যক বৈঠকৰ। ভাৰতৰ বৈদেশিক পৰিক্ৰমা মন্ত্ৰালয়ৰ নেতৃত্বত ১৫ আৰু ১৬ জুনত অনুষ্ঠিত হৈছে এই বৈঠক। তাত অংশ গ্ৰহণ কৰিবলৈ আহিছিল বাংলাদেশৰ প্ৰতিনিধি জাহেদ। আই আৰ এৰ বৈঠকত জাহিদ বাংলাদেশৰ প্ৰতিনিধি হ’ব বুলি আনুষ্ঠানিকভাৱে পত্ৰৰ জৰিয়তে অৱগত কৰা হৈছে।
একে সময়তে দিল্লীৰ পৰা বাংলাদেশৰ উচ্চায়ুক্ত এম ৰিয়াজ হামিদুল্লায়ো সংশ্লিষ্ট মন্ত্ৰালয়ৰ বিষয়াসকলৰ সৈতে ফোনযোগে বাৰ্তালাপ কৰে। তাৰ পিছতো কিয় এই পৰিস্থিতিৰ সৃষ্টি হ’ল সেয়া স্পষ্ট হোৱা নাই। এই সন্দৰ্ভত ভাৰতেও কোনো মন্তব্য কৰা নাই।
জাহেদ হৈছে বাংলাদেশৰ তথ্য, সম্প্ৰচাৰ আৰু সংস্কৃতি মন্ত্ৰালয়ৰো উপদেষ্টা। দেওবাৰে সন্ধিয়া তেওঁ দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত অৱতৰণ কৰে। প্ৰথমে তেওঁক ইমিগ্ৰেচন বিষয়াই বাধা দিয়ে। পিছত তেওঁক ওপৰ মহলৰ পৰা মুকলি কৰি দিয়াৰ নিৰ্দেশ জাৰি কৰা হয়। কিন্তু তেতিয়ালৈকে ডেৰ-দুই ঘণ্টা পাৰ হৈ যায়। জাহেদে আই অ’ আৰৰ বৈঠকত উপস্থিত থাকিব নিবিচাৰি দেশলৈ উভতি যায়। কোনো কাৰণ নোহোৱাকৈয়ে তেওঁক বিমানবন্দৰত আবদ্ধ কৰি ৰখাৰ অভিযোগ উত্থাপন হৈছে।
ইফালে এই ঘটনা সন্দৰ্ভত বাংলাদেশৰ বৈদেশিক মন্ত্ৰী খলিলুৰ ৰহমানে কয়, “এয়া এক অপ্ৰত্যাশিত আৰু দুৰ্ভাগ্যজনক ঘটনা। বৈদেশিক পৰিক্ৰমা মন্ত্ৰালয়ে বিহিত ব্যৱস্থা গ্ৰহণ কৰিছে। এই বিষয়ে আমি পিছত আপোনালোকক অৱগত কৰিম।”
