জম্মু-কাশ্মীৰ (Jammu-Kashmir)ত পুনৰ সন্ত্ৰাসবাদীৰ আক্ৰমণ (Terrorist attack)ৰ ঘটনা। কুলগাম (Kulgam)ত অব্যাহত আছে গুলীচালনা। সূত্ৰ অনুসৰি, সন্ত্ৰাসবাদীৰ হঠাৎ আক্ৰমণত এজন প্ৰব্ৰজিত শ্ৰমিক নিহত (Migrat worker killed) হয়। আন এজন শ্ৰমিক গুৰুতৰভাৱে আহত হয়। আৰক্ষীৰ সূত্ৰ অনুসৰি, শুকুৰবাৰে সন্ধিয়া কুলগাম জিলাৰ কেল্লাম গাঁৱত দুজন প্ৰব্ৰজিত শ্ৰমিকৰ ওপৰত সন্ত্ৰাসবাদীয়ে কৰা গুলীচালনাত এজনৰ থিতাতে মৃত্যু হয়। আনজনক আঘাতপ্ৰাপ্ত অৱস্থাত চিকিৎসালয়ত ভৰ্তি কৰোৱা হয়। চিকিৎসালয়ৰ সূত্ৰ অনুসৰি, শ্ৰমিকজনৰ অৱস্থা সংকটজনক। মৃত শ্ৰমিক দীপক ছত্তীশগড়ৰ বাসিন্দা আছিল। গুলীচালনাৰ খবৰ পোৱাৰ লগে লগে আৰক্ষী আৰু ভাৰতীয় সেনাই অঞ্চলটো ঘেৰাও কৰে। আক্ৰমণকাৰীৰ সন্ধানত অঞ্চলটোত অভিযান আৰম্ভ কৰা হৈছে। ড্ৰোন ব্যৱহাৰ কৰি অনুসন্ধান চলোৱা হৈছে। কিন্তু এতিয়ালৈকে সন্ত্ৰাসবাদীৰ কোনো সন্ধান পোৱা হোৱা নাই। নিৰাপত্তাৰক্ষীয়েও তেওঁলোকৰ আত্মগোপন স্থানৰ সন্ধান আৰম্ভ কৰিছে।
জম্মু-কাশ্মীৰত এক দশকৰ ভিতৰত এয়া দ্বিতীয়টো সন্ত্ৰাসবাদী আক্ৰমণ। ২২ জুলাইত অনন্তনাগৰ লালচকত সন্ত্ৰাসবাদীয়ে আৰক্ষী বাহিনীৰ ওপৰত গুলীচালনা কৰে। উক্ত আক্ৰমণত এজন আৰক্ষী জোৱান নিহত হয়। আৰক্ষী বিষয়াৰ মতে, সন্দেহযুক্ত সন্ত্ৰাসবাদীয়ে এখন হাবিৰ পিছফালৰ পৰা গুলীচালনা কৰে। লগে লগে প্ৰতিশোধ লয় আৰক্ষীয়ে। অৱশ্যে সন্ত্ৰাসবাদীয়ে নিক্ষেপ কৰা গুলীয়ে আৰক্ষী কনিষ্টবল এজনক আঘাত কৰে। গুৰুতৰ অৱস্থাত উদ্ধাৰ কৰি তেওঁক অনন্তনাগ চিকিৎসা মহাবিদ্যালয়লৈ প্ৰেৰণ কৰা হয়। অৱশ্যে চিকিৎসকে পৰীক্ষা কৰি মৃত বুলি ঘোষণা কৰে।
