বিজেপিৰ ঝাৰখণ্ড বন্ধৰ (BJP’s Jharkhand branch) বাবে মঙলবাৰে ৰাঁচীত তীব্ৰ উত্তেজনা (Intense tension in Ranchi)ৰ সৃষ্টি হয়। অব্যাহত আছে পথ অৱৰোধ। পথত টায়াৰ জ্বলাই প্ৰতিবাদ সাব্যস্ত কৰে বিজেপি কৰ্মী আৰু সমৰ্থকে। বিধানসভা ঘেৰাও (Legislative Assembly siege) কৰিবলৈ চেষ্টা কৰাৰ অপৰাধত গ্ৰেপ্তাৰ হয় এবিভিপিৰ এশৰো অধিক কৰ্মী (AABVP worker arrested)।
ঝাৰখণ্ডৰ ছাত্ৰ-ছাত্ৰী আৰু যুৱক-যুৱতীসকলে চৰকাৰী চাকৰিৰ পৰীক্ষাত অনিয়মৰ বিৰুদ্ধে প্ৰতিবাদ অব্যাহত ৰাখিছে। সোমবাৰে চিবিআইৰ তদন্তৰ দাবীত ‘বিধানসভা ঘেৰাও’ৰ আহ্বান জনায়। প্ৰতিবাদকাৰী ছাত্ৰ-ছাত্ৰী আৰু যুৱক-যুৱতীক ছত্ৰভংগ দিবলৈ সোমবাৰে লাঠিচালনাৰ আশ্ৰয় লয় আৰক্ষীয়ে। ইয়াৰ প্ৰতিবাদত বিজেপিয়ে মঙলবাৰে ১১ ঘণ্টীয়া ঝাৰখণ্ড বন্ধৰ আহ্বান জনায়। বন্ধৰ সমৰ্থনত পুৱাৰে পৰা ৰাজপথলৈ ওলাই আহে বিজেপি কৰ্মী আৰু সমৰ্থক। ৰাঁচীৰ বিভিন্ন স্থানত টায়াৰ জ্বলাই পথ অৱৰোধ কৰে। আৰক্ষীৰ সূত্ৰ অনুসৰি, ‘ইণ্ডিয়া টুডে’ৰ বাতৰি অনুসৰি ৰাঁচীৰ কাংকে ৰোডৰ চিএমপিডিআই গেটৰ সমীপত, কিশোৰগঞ্জ, আৰ্গোৰা আৰু কাংকে অঞ্চলত পথ অৱৰোধ কৰা হৈছে। ৰাঁচীৰ নিউক্লিয়াছ মল, হাৰমু চক আৰু কিশোৰগঞ্জ চ’কৰ সমীপৰ পথত টায়াৰ জ্বলাই প্ৰতিবাদ সাব্যস্ত কৰে বন্ধৰ সমৰ্থকসকলে। ইয়াৰ ফলত স্বাভাৱিক জীৱন-যাত্ৰাৰ কিছু বিঘিনি ঘটে। প্ৰতিবাদস্থলীত আৰক্ষী আৰু বিজেপি কৰ্মী আৰু সমৰ্থকৰ মাজতো কাজিয়া সংঘটিত হয়।
এবিভিপিয়ে বন্ধৰ সমৰ্থনত ‘বিধানসভা ঘেৰাও’ৰ আহ্বান জনাইছিল। সোমবাৰে প্ৰতিবাদকাৰী ছাত্ৰ-ছাত্ৰী আৰু যুৱক-যুৱতীসকলে যি পথেৰে ওলাই আহিছিল, সেই পথতে মঙলবাৰৰ পৰা এবিভিপিৰ কৰ্মী আৰু সমৰ্থকে সমদল আৰম্ভ কৰে। পুৰণি বিধানসভা ভৱনৰ পৰা ৰাঁচীৰ বৰ্তমানৰ বিধানসভা ভৱনটোৰ ফালে আগবাঢ়িবলৈ ধৰে। এবিভিপিৰ সমদল বন্ধ কৰিবলৈ আৰম্ভণিৰে পৰা আৰক্ষী সক্ৰিয় হৈ আছিল। সমদল আগবাঢ়িবলৈ আৰম্ভ কৰাৰ লগে লগে আৰক্ষীয়ে এবিভিপিৰ কৰ্মী আৰু সমৰ্থকক বাধা দিয়ে। তাৰ পিছতে ৰাজপথত বহি হেমন্ত ছোৰেণ চৰকাৰৰ বিৰুদ্ধে শ্লোগান দিবলৈ আৰম্ভ কৰে প্ৰতিবাদকাৰীসকলে। আৰক্ষীয়ে তেওঁলোকক তাৰ পৰা আঁতৰাবলৈ চেষ্টা কৰাত আৰম্ভ হয় বিবাদ। ইয়াৰ পিছত নিৰাপত্তা বাহিনীয়ে সমদলত অংশগ্ৰহণকাৰীসকলক আটক কৰি তাৰ পৰা আঁতৰাই আনে। সেই সময়ত এবিভিপিৰ একাংশ সমৰ্থকে আনকি আৰক্ষীৰ বাহনৰ ওপৰত উঠি প্ৰতিবাদ অব্যাহত ৰাখে। পিটিআইৰ তথ্য অনুসৰি, কমেও ১১০জন এবিভিপি কৰ্মীক আটক কৰা হৈছে।
আনহাতে, ঝাৰখণ্ডৰ ৰামগড় জিলাতো বিজেপি কৰ্মীসকলে প্ৰতিবাদ সাব্যস্ত কৰে। ৰাঁচী-পাটনা সংযোগী ৩৩ নং ৰাষ্ট্ৰীয় ঘাইপথ অৱৰোধ কৰে। পুৱাৰে পৰা বন্ধৰ সমৰ্থকসকল পথৰ ওপৰত বহি আছিল। ইয়াৰ বাবে চাৰিলেনযুক্ত ৰাষ্ট্ৰীয় ঘাইপথত শাৰী শাৰীকৈ গাড়ী ৰখাই থোৱা হয়। প্ৰায় তিনি ঘণ্টা ধৰি অৱৰোধ অব্যাহত থকাৰ পিছত অৱশেষত আৰক্ষীয়ে হস্তক্ষেপ কৰে। তাৰ পৰাই বন্ধৰ সমৰ্থককো গ্ৰেপ্তাৰ কৰা হয়।
ৰাঁচীকে ধৰি ঝাৰখণ্ডৰ কেইবাটাও স্থানত আজি বন্ধৰ মিশ্ৰিত প্ৰভাৱ পৰে। ‘ইণ্ডিয়া টুডে’ৰ তথ্য অনুসৰি, ৰাজ্যৰ কেইবাটাও অঞ্চলত বিদ্যালয় আৰু ব্যৱসায়িক প্ৰতিষ্ঠান বন্ধ হৈ আছিল। বাট-পথত তুলনামূলকভাৱে কম বাহন আছিল। অৱশ্যে আন্দোলনকাৰী ছাত্ৰ-ছাত্ৰী আৰু যুৱক-যুৱতীসকলে বৰ্তমান বিজেপিৰ কাৰ্যসূচীৰ পৰা দূৰত্ব বজাই ৰাখিছে। আন্দোলনকাৰীসকলে দাবী কৰে যে কোনোবাই যদি তেওঁলোকৰ দাবীক সমৰ্থন কৰে তেন্তে সেয়া আদৰণীয়। অৱশ্যে কোনো ৰাজনৈতিক দলক সমৰ্থন নকৰে। আন্দোলনকাৰী ছাত্ৰ-ছাত্ৰী আৰু যুৱক-যুৱতীসকলে মঙলবাৰে বিয়লি নিজৰ মাজতে বৈঠক অনুষ্ঠিত কৰাৰ কথা। উক্ত বৈঠকতে পৰৱৰ্তী কাৰ্যসূচীৰ সিদ্ধান্ত লোৱা হ’ব। এইবাৰ মুখ্যমন্ত্ৰীৰ সৈতেহে আলোচনা কৰিব বুলি তেওঁলোকে দাবী কৰে।
