উজবেকিস্তানৰ সর্বোচ্চ ৰাষ্ট্রীয় সন্মান (Uzbekistan’s highest national honor) ‘অলি দৰাজলি দোস্তলিক’ৰ দ্বাৰা সন্মানিত কৰা হৈছে প্ৰধানমন্ত্ৰী নৰেন্দ্ৰ মোদীকে (Narendra Modi)। শাভকাত এই সম্মান প্ৰদান কৰা হয় ভাৰতৰ প্রধানমন্ত্রীক। উক্ত সন্মান লাভ কৰি আপ্লুত হয় মোদী। তেওঁ কয়, ‘‘উজবেকিস্তানৰ সর্বোচ্চ সন্মান লাভ কৰাটো মোৰ বাবে গৌৰৱৰ বিষয়।” আনহাতে, ‘দোস্তলিক’ শব্দৰ ব্যাখ্যা কৰিবলৈ গৈ দুয়োখন দেশৰ মাজৰ বন্ধুত্বপূর্ণ সম্পর্কৰ কথা উল্লেখ কৰে মোদীয়ে।
দুদিনীয়া ভ্ৰমণসূচীৰে উজবেকিস্তানলৈ গৈছে প্ৰধানমন্ত্ৰী নৰেন্দ্ৰ মোদী। শনিবাৰে উজবেকিস্তানৰ ৰাজধানী তাচখন্দত অৱতৰণ কৰে মোদী। তেওঁক স্বাগতম জনাবলৈ বিমানবন্দৰত উপস্থিত হয় উজবেকিস্তানৰ ৰাষ্ট্ৰপতি শাভকাত মিৰজিয়োয়েভ। দেওবাৰে দুই ৰাষ্ট্রনেতাৰ মাজত দীর্ঘ সময় ধৰি বৈঠক হয়।
উক্ত বৈঠকত বিভিন্ন বিষয় সন্দৰ্ভত আলোচনা হয়। বৈঠকৰ শেষত দীর্ঘম্যাদী ইউৰেনিয়াম সৰবৰাহ চুক্তিৰ কথা জনাই মোদীয়ে কৈছে, দেওবাৰৰ আলোচনাত এইটোৱে ‘প্রধান প্রাপ্তি’। কেৱল সেয়াই নয়, ভাৰত আৰু উজবেকিস্তানে তিনিখন ‘ছিষ্টাৰ-চিটি’ আৰু ‘ছিষ্টাৰ-ষ্টেট’ চুক্তিও চূড়ান্ত কৰিছে। ২০৩০ চনৰ ভিতৰত পাঁচ কোটি ডলাৰৰ দ্বিপাক্ষিক বাণিজ্যৰ লক্ষ্য নিৰ্ধাৰণ কৰিছে ভাৰত আৰু উজবেকিস্তানে।
উজবেকিস্তানৰ সৈতে দীর্ঘম্যাদী ইউৰেনিয়াম সৰবৰাহ চুক্তিত স্বাক্ষৰ ভাৰতৰ। এই কথা জনাইছে ভাৰতৰ প্রধানমন্ত্রী নৰেন্দ্র মোদীয়ে। ভাৰতৰ পাৰমাণৱিক বিদ্যুৎ পৰিকল্পনাকে আৰু আগবঢ়াই লৈ যাবলৈ এই পদক্ষেপ উল্লেখ্যযোগ্য বুলি বিশেষজ্ঞেসকলে বিবেচনা কৰিছে।
