নীট প্ৰশ্নকাকত ফাদিলৰ বিৰুদ্ধে প্ৰতিবাদ কৰা ছাত্ৰ-ছাত্ৰীৰ বিৰুদ্ধে (Against the protesting students) উত্থাপিত এফআইআৰ বাতিল (FIR canceled) কৰাৰ বাবে এইবাৰ কেন্দ্ৰই উচ্চতম ন্যায়ালয়ত চুপাৰিছ দাখিল কৰিছে। এই সন্দৰ্ভত সোমবাৰে বিয়লি উচ্চতম ন্যায়ালয়ৰ কাষ চাপে কেন্দ্ৰ। উল্লেখ্য যে ককৰোচ জনতা পাৰ্টীয়ে (CJP) শনিবাৰে পুনৰ প্ৰতিবাদৰ আহ্বান জনাইছে।
ছাত্র-ছাত্রীৰ বিৰুদ্ধে এফআইআৰ বাতিল কৰাকে ধৰি কেন্দ্রই এতিয়াও তিনিদফীয়া প্রতিশ্রুতি পূৰণ নকৰাৰ অভিযোগ উত্থাপন কৰে চিজেপিয়ে৷ ইয়াৰ প্ৰতিবাদত এই অৰাজনৈতিক সংগঠনটোৱে ৫ ছেপ্টেম্বৰ, শনিবাৰে ইণ্ডিয়া গে’টৰ পৰা দিল্লী আৰক্ষী মুখ্য কাৰ্যালয়লৈ সমদলৰ আহ্বান জনাইছে।
নীট প্ৰশ্নকাকত ফাদিলৰ বিৰুদ্ধে চিজেপিৰ নেতৃত্বত দিল্লীত আৰম্ভ হোৱা আন্দোলন কলকাতা, মুম্বাইকে ধৰি দেশৰ বিভিন্ন চহৰলৈ বিয়পি পৰে। সেই সময়ত দিল্লীকে ধৰি বিভিন্ন ৰাজ্যত প্ৰতিবাদ সাব্যস্ত কৰা ছাত্ৰ-ছাত্ৰীৰ বিৰুদ্ধে এফআইআৰ ৰুজু কৰা হৈছিল। পিছত যন্তৰ-মন্তৰত প্ৰায় এমাহ ধৰি চলি থকা প্ৰতিবাদৰ বাবেই ২৫ জুলাইত ধৰ্মেন্দ্ৰ প্ৰধানে কেন্দ্ৰীয় শিক্ষামন্ত্ৰীৰ পদৰ পৰা পদত্যাগ কৰে।
ধৰ্মেন্দ্ৰ প্ৰধানৰ পদত্যাগৰ পিছত কেন্দ্ৰৰ সৈতে পুনৰ একদফীয়া বৈঠকত মিলিত হয় চিজেপি নেতৃত্ব। বৈঠকৰ অন্তত তেওঁলোকে কয় যে কেন্দ্ৰই তেওঁলোকৰ সকলো দাবী মানি লোৱাৰ প্ৰতিশ্ৰুতি দিছে। সেই বিশ্বাসেৰে চিজেপি নেতৃত্বই আন্দোলন প্ৰত্যাহাৰ কৰাৰ কথা ঘোষণা কৰে।
অৱশ্যে এমাহৰ পাছতো তিনিটা প্ৰতিশ্ৰুতি পূৰণ নোহোৱাৰ অভিযোগ উত্থাপন কৰে প্ৰতিবাদকাৰীসকলে। নীটক কেন্দ্ৰ কৰি হোৱা দুৰ্ব্যৱহাৰৰ বাবে আত্মহত্যা কৰা ছাত্ৰ-ছাত্ৰীৰ পৰিয়ালক ক্ষতিপূৰণৰ দাবী জনাইছিল চিজেপিয়ে। প্ৰতিবাদকাৰী ছাত্ৰ-ছাত্ৰীৰ বিৰুদ্ধে এফআইআৰ প্ৰত্যাহাৰ কৰিবলৈও দাবী জনায়। একে সময়তে দিল্লী আৰক্ষী আৰু আৰ এএফকো ৰাজহুৱাভাৱে ক্ষমা খুজিবলৈ কয়।
অৱশ্যে চিজেপি নেতৃত্বই কয় যে প্ৰথম অৱস্থাত সকলো দাবী পূৰণৰ প্ৰতিশ্ৰুতি দিয়া হৈছিল। কিন্তু এমাহৰ পাছতো এই তিনিটা দাবী পূৰণ হোৱা নাই। এনে পৰিস্থিতিত অভিজিৎ দীপকেয়ে অহা শনিবাৰে আন এক সমদলৰ আহ্বান জনাইছে।
উল্লেখ্য যে উচ্চতম ন্যায়ালয়তো চিজেপিৰ প্ৰতিবাদী সমদল বন্ধ কৰাৰ বাবে গোচৰ ৰুজু কৰা হৈছে। দিল্লী আৰক্ষীৰ এজন অৱসৰপ্ৰাপ্ত বিষয়াই এই গোচৰ ৰুজু কৰে। সোমবাৰে অভিযোগকাৰীৰ অধিবক্তাই উচ্চতম ন্যায়ালয়ৰ মুখ্য ন্যায়াধীশ সূৰ্য কান্তৰ বিচাৰপীঠৰ দৃষ্টি আকৰ্ষণ কৰে। অৱশ্যে উচ্চতম ন্যায়ালয়ে বিষয়টোত হস্তক্ষেপ কৰিব বিচৰা নাছিল। আদালতে কয় যে চিজেপিৰ প্ৰতিবাদী কাৰ্যসূচীৰ বাবে আইন-শৃংখলাৰ পৰিস্থিতিৰ অৱনতি ঘটিব বুলি ধৰি ল’ব নোৱাৰি। মুখ্য ন্যায়াধীশৰ বিচাৰপীঠে লগতে কয় যে সকলো পক্ষই দায়িত্বশীল আচৰণ আৰু আইন মানি চলিব বুলি আশা কৰিছে।
