ASSAM TIMES POST
নিউজ ডেস্ক
যুৱ সাংবাদিক মঞ্চ পঞ্চম বর্ষপূৰ্তি লগতে আন্তৰ্জাতিক নাৰী দিৱস বিশেষ দিনটোত মহানগৰীৰ সিজুবাৰী স্থিত মাদাৰ বৃদ্ধাবাসত আয়োজন কৰা হয় এক বিশেষ অনুষ্ঠান।অনুষ্ঠানৰ আৰম্ভণিতে বৃদ্ধাবাসৰ আইতা সকলৰ লগত নাৰী দিৱসৰ কে’ক কাটি উদযাপন কৰা হয় নাৰী দিৱস।
বৃদ্ধাৱাসৰ ১০৫ বছৰীয়া আইতা শুভদ্ৰা দেৱীয়ে যুৱ সাংবাদিক মঞ্চ নাৰী দিৱসৰ বিশেষ কে’ক কাটে। অনুষ্ঠানত যুৱ সাংবাদিক মঞ্চৰ হৈ সভানেত্ৰী নিপা কাকতি যুটীয়া সাধাৰণ সম্পাদক দিব্যজ্যেতি দাসৰ লগতে একাংশ সদস্য সকল উপস্থিত থাকে। নাৰী দিৱসৰ কে’ক কাটি আইতা শুভদ্ৰা দেৱীয়ে কয় ” ভাল লাগিছে অনুষ্ঠান সমূহ, আগলৈও নতুন প্ৰজন্মই এই সমূহ ভাল কাম কৰক তাৰ বাবে যুৱ সাংবাদিক সকলে নতুন প্ৰজন্মক আগ্ৰহী কৰিবলৈ চেষ্টা কৰিব।
নাৰী দিৱস আমিও কৰিছো কিন্তু এতিয়াহে বুঢ়ী হলো”। নাৰী দিৱসৰ গুৰুত্বতা উল্লেখ কৰি আইতাই কয় “নাৰী যি যাতনা পাব লাগে পাই আহিলো গোটেই খিনি সুখ-দুখ সকলো।নাৰী সকলক অৱহেলা নকৰি।নাৰী পুৰুষেহে এখন সংসাৰ ৷ অকল পুৰুষে সংসাৰ কৰিব নোৱাৰে ঠিক একেদৰে নাৰীয়েও অকলে সংসাৰ কৰিব নোৱাৰে।
নাৰী পুৰুষৰ বুজা-বুজিয়েহে এখন সুস্থ সমাজ সৃষ্টি কৰিব” ইফালে যুৱ সাংবাদিক মঞ্চ মহিলা সাংবাদিক সকলক বৃদ্ধাৱাস কতৃপক্ষই নাৰী দিৱস উপলক্ষে সম্বৰ্ধনা জনাই।আইতা সকলৰ নাম প্ৰসংগৰে মুখৰিত হৈ পৰে সমগ্ৰ অনুষ্ঠানটো। যুৱ সাংবাদিক মঞ্চৰ লগতে মচফীকা ওমেনছ ৱেলফেৰা চচাইটিৰ উদ্যোগতো নাৰী দিৱস উদযাপন কৰা হয়।তেখেত সকলে বৃদ্ধাবাসৰ আবাসী সকলক চাদৰ বিতৰন, কেক আদি বিতৰন কৰে।
