নিমিষা ঠাকুৰীয়াৰ হত্যাকাণ্ডৰ (Nimisha Thakuria murder) মূল অভিযুক্ত আচিক আলী (main accused is Achik Ali) আৰক্ষীৰ গুলীত আহত (Injured by a police bullet)। গুৱাহাটী বিশ্ববিদ্যালয়ৰ ছাত্ৰীগৰাকীৰ হত্যাকাণ্ডৰ মূল অভিযুক্ত আচিক আলী আৰক্ষীৰ গুলীত গুৰুতৰভাৱে আহত হৈ বৰ্তমান জিএমচিএইচত চিকিৎসাধীন৷ আৰক্ষীৰ জিম্মাৰ পৰা পলায়ন কৰিবলৈ চেষ্টা কৰাৰ সময়তে আৰক্ষীৰ গুলীত আচিক আলীৰ ভৰিত গুলী লাগে।
জানিব পৰা মতে, আচিক আলীয়ে আঁঠুত আঘাত পায় ৷ মঙলবাৰে পুৱতি নিশা প্ৰায় ৩.৩০ বজাত আৰক্ষীৰ জিম্মাৰ পৰা পলায়ন কৰিবলৈ চেষ্টা কৰাৰ সময়তে ধাৰাপুৰ আৰক্ষীয়ে গুলীচালনা কৰে৷ ইয়াৰ পিছত তেওঁক গুৱাহাটী চিকিৎসা মহাবিদ্যালয় হাস্পতালত ভৰ্তি কৰোৱা হয়। উল্লেখ্য যে কিছুদিন পূৰ্বে ধাৰাপুৰৰ সমীপৱৰ্তী গৰলৰ এটা হোমষ্টেত ৰহস্যজনক অৱস্থাত মৃত্যু হৈছিল গুৱাহাটী বিশ্ববিদ্যালয়ত অধ্যয়নৰত তথা ধাৰাপুৰৰ বাসিন্দা নিমিষা ঠাকুৰীয়াৰ। সেই সময়ত হোমষ্টেটোত উপস্থিত আছিল নিমিষাৰ প্ৰেমিক তথা গাড়ীগাঁৱৰ বাসিন্দা আচিক আলী আৰু আন দুজন যুৱক। ইয়াৰে আচিক আলী হৈছে এই হত্যাকাণ্ডৰ মূল অভিযুক্ত। পেছাত এগৰাকী ৰং মিস্ত্ৰী আচিকক পৰৱৰ্তী সময়ত আৰক্ষীয়ে গ্ৰেপ্তাৰ কৰে৷ ইয়াৰ পিছত তেওঁক আদালতত হাজিৰ কৰায় আৰু আদালতে তেওঁক ৮ দিনৰ আৰক্ষীৰ জিম্মালৈ প্ৰেৰণ কৰে৷
