নিউজ ডেস্কঃ
পুৱাই কলিয়াবৰৰ মিছাত ভয়ংকৰ পথ দুৰ্ঘটনা। আলট্ৰা বাছ আৰু ট্ৰাকৰ মুখামুখি সংঘৰ্ষ। কম-বেছি পৰিমাণে আহত প্ৰায় ২০ গৰাকী যাত্ৰী। কলিয়াবৰ তিনিআলিত ৰাষ্ট্ৰীয় পথৰ ওপৰত থকা উৰণীয়া সেতুখনৰ বাবেই সংঘটিত এই ভয়াৱহ দুৰ্ঘটনা। কলিয়াবৰৰ তিনিআলিত থকা উৰণীয়া সেতুত যোৰহাট দিশৰ পৰা অহা বাহনৰ বাবে সঠিক সাংকেতিক চিহ্ন নথকাৰ বাবেই এই ঘটনা সংঘটিত হয়।
চৰাইদেউ জিলাৰ টিফুক বৰ নামঘৰৰ পৰা বৰদোৱা থানলৈ আহিছিল চল্লিছজনকৈ যাত্ৰী। উৰণীয়া সেতুৰ তলেৰে বাচখন নাহি উপৰেৰে আহি মিছালৈকে ভুল দিশেৰেই আহি দুৰ্ঘটনাটো সংঘটিত হয়। ফলত বাছখনৰ প্ৰায় সকলো যাত্ৰী কম-বেছি পৰিমাণে আহত হয়। আহত যাত্ৰীসকলক জখলাবন্ধাস্থিত কলিয়াবৰ মহকুমা অসামৰিক চিকিৎসালয়ত ভৰ্তি কৰোৱা হয়।
