শিলচৰৰ চেণ্ট্ৰেল ৰোডত (Central Road, Silchar) চুৰিৰ অভিযোগত (Accusation of theft) এগৰাকী নাবালক শিশুক মাৰপিট (Hit the minor child) কৰাৰ ঘটনা পোহৰলৈ অহাৰ পাছতে চহৰজুৰি তীব্ৰ চাঞ্চল্যৰ সৃষ্টি হৈছে। শিশুটিক মাৰপিট কৰাৰ এটা ভিডিঅ’ সামাজিক মাধ্যমত ভাইৰেল হোৱাৰ পাছতে ঘটনাটোক লৈ বিভিন্ন মহলত প্ৰতিক্ৰিয়াৰ সৃষ্টি হৈছে।
সামাজিক মাধ্যমত প্ৰচাৰিত তথ্য অনুসৰি, দিনৰ ভাগত চুৰি কৰাৰ অভিযোগত অঞ্চলটোৰ একাংশ লোকে শিশুটিক আটক কৰে। অভিযোগ অনুসৰি, শিশুটিক আৰক্ষীৰ হাতত গতাই দিয়াৰ পৰিৱৰ্তে একাংশ লোকে ৰাজপথতে মাৰপিট কৰে।
এই ঘটনাক কেন্দ্ৰ কৰি এতিয়া মৰেল পুলিচিংক লৈ প্ৰশ্ন উত্থাপন হৈছে। চুৰিৰ অভিযোগ থাকিলেও আইন নিজৰ হাতত তুলি লৈ এগৰাকী নাবালক শিশুক ৰাজপথত মাৰপিট কৰাৰ অধিকাৰ কাৰো আছেনে? ঘটনাটোক লৈ সামাজিক মাধ্যমতো তীব্ৰ প্ৰতিক্ৰিয়া প্ৰকাশ কৰিছে একাংশ লোকে।
অৱশ্যে, ঘটনাটোৰ প্ৰকৃত সত্যতা আৰু সম্পূৰ্ণ তথ্য এতিয়াও স্পষ্ট হোৱা নাই। ভাইৰেল ভিডিঅ’টোক কেন্দ্ৰ কৰি শিলচৰত ব্যাপক চৰ্চা অব্যাহত আছে।
