সোণাৰিৰ (Sonari) সাপেখাতীত মাৰণাস্ত্ৰসহ এজন যুৱকক আটক (Youth arrested with firearm) ভাৰতীয় সেনাৰ৷ যুৱকজনৰ পৰা .৩২ এটি ৰিভলভাৰসহ পাচঁটাকৈ সজীৱ গুলি উদ্ধাৰ৷ আটকাধীন যুৱকজন ৰহন চাংমাই গাঁৱৰ কৃষ্ণমণি বৰগোহাঁই (Krishnmani Borgohain)৷
যুৱকজন দীৰ্ঘদিন ধৰি অসামাজিক কাৰ্য্যকলাপৰ সৈতে জড়িত থকাৰ সন্দেহ। যুৱকজনক ভাৰতীয় সেনাৰ ডাঙৰীকুমাৰস্থিত সেনা ছাউনিৰ এটি সেনাৰ দলে সাপেখাতী গোদাম চাৰিআলিৰ পৰা আটক কৰে৷ যুৱকজনৰ পৰা মাৰণাস্ত্ৰ উদ্ধাৰ কৰাৰ লগতে যুৱকজনে ব্যৱহাৰ কৰা AS06-AR 5872 নম্বৰৰ এখন মাৰুতি অল্টো K10 গাড়ী জব্দ কৰে৷ যুৱকজনক ইতিমধ্যে সেনাই সাপেখাতী আৰক্ষীক চমজাইছে৷
