ASSAM TIMES POST
নিউজ ডেস্ক:
বিশ্বত্ৰাস কৰ’না ভাইৰাছক লৈ চিন্তিত ৰাজ্যবাসী।তাৰ মাজতে শুক্ৰবাৰে অসমবাসী ৰউদ্দেছ কৰি ৰাজ্যৰ বিত্ত তথা স্বাস্থ্যমন্ত্ৰী ডক্টৰ হিমন্ত বিশ্ব শৰ্মাই সম্বোধন কৰে এক সংবাদ মেল।সংবাদ মেলত শৰ্মাই কয় “অসমৰ সংবাদ মাধ্যম, চিকিৎসক, নাৰ্ছ, আশা কৰ্মী, শিক্ষক আটায়ে সজাগতা কাৰ্যসূচী সমূহো সুন্দৰভাৱে কৰিছে”।তাৰ বাবে সকলোকে ধন্যবাদ জনাই মন্ত্ৰীগৰাকীয়ে।
উল্লেখ যে ইতিমধ্যে ৰাজ্য বিমানবন্দৰ সমূহত ১৬,৫০৮গৰাকী লোকক স্ক্ৰিনিং কৰা বিপৰীতে ৬২,৮৭০ গৰাকীক চিকিৎসালয়, ৰেলৱে ষ্টেচন আৰু অন্যান্য ঠাইত কৰা হৈছে পৰীক্ষা।মন্ত্ৰী শৰ্মাই জনাইবলৈ দিয়ে।
ইফালে কাঁহ-জ্বৰ নেদেখিলে বিমান বন্দৰ পৰা নিয়া নহয় মেডিকেল কলেজলৈ। বাহিৰৰ পৰা অহা ব্যক্তি সকলৰ গাত ৰোগ ধৰা পৰা নাই যদিও ঘৰৰ ভিতৰত আছুতীয়াকৈ ৰুমত ১৪দিন ৰাখিবলৈ কোৱা হৈছে।বৰ্তমান সময়লৈকে ১০০৩জন ব্যক্তিক তেনেদৰে ঘৰৰ ভিতৰত ৰখা হৈছে”।
ইফালে পূবে থকা তিনিটা টেষ্টিং লেবৰটেৰি বৰ্তমান চাৰিটালৈ বৃদ্ধি কৰা হৈছে।যোৰহাট, গুৱাহাটী, ডিব্ৰুগড় পিছত এতিয়া শিলচৰত টেষ্টিং লেবৰ ব্যৱস্থা কৰা হৈছে।ডিফু, তেজপুৰ, বৰপেটাতো ইয়াৰ ব্যৱস্থা কৰা বাবে চেষ্টা চলাই থকা বুলি সংবাদ মেলত মন্ত্ৰী শৰ্মাই উল্লেখ কৰে”।
উল্লেখ যে গুৱাহাটীত বৰ্তমান সময়লৈকে মুঠ ৩৯জনক পৰীক্ষা কৰা হৈছে।একেদৰে ডিব্ৰুগড় ১১জন, যোৰহাটত ৩জন, শিলচৰত ২জনক কৰা হৈছে পৰীক্ষা।সকলোৱে ঋণাত্মক ফলাফল পোৱা গৈছে।
অসমত কৰ’না ভাইৰাছ বৰ্তমান প্ৰথম পয্যায়ত আছে।কোনো ব্যক্তিৰ দেহত যদি আহে, তেতিয়াহে হ’ব।
অসমলৈ বাহিৰৰ ৰাজ্য পৰা অহা লোকৰ সংখ্যা এতিয়া কমিছে।যদি ২২মাৰ্চ পৰা কোনো নাহে, তেন্তে ৫এপ্ৰিল লৈকে এই তাৰিখৰ আগত অহাসকলে সাৱধানতা অৱলম্বন কৰিব লাগে।শৰ্মাই লগতে কয়।
সকলোধৰণৰ পৰীক্ষা ৩১মাৰ্চলৈকে অনুষ্ঠিত কৰিবলৈ দিয়া নহ’ব বুলি উল্লেখ কৰি শৰ্মাই কয় শনিবাৰ অৰ্থাৎ কালিলৈ পৰা চৰকাৰী কাৰ্যালয়লৈ ৫০শতাংশ কৰ্মচাৰী আহিব। বাকী ৫০শতাংশ ঘৰৰ পৰা কাম কৰিব।তিনিদিন অথবা সাপ্তাহিক হিচাপত ৫০শতাংশকৈ প্ৰতিটো কাৰ্যালয়ে ভগাই ল’ব লাগিব”-মন্ত্ৰী গৰাকীয়ে জানিবলৈ দিয়ে।তেওঁ এই ব্যবস্থা স্কুল, কলেজৰ পৰা আদি কৰি চৰকাৰী সকলো কাৰ্যালয়ত কৰা হব বুলি লগতে উল্লেখ কৰে।
এই নিৰ্দেশনা ৩১মাৰ্চ পয্যন্ত বাহাল থাকিব বুলি শৰ্মাই স্পষ্ট কৈ ঘোষণা কৰে।
আনহাতে ২২মার্চৰ পৰা ৰাজ্য ৰেলৱে ষ্টেচন আৰু বিমান বন্দৰ সমূহত বাহিৰৰ পৰা অহা প্ৰতিজন যাত্ৰীক ষ্টাম্পিং কৰা হ’ব।সেই অনুসৰি ষ্টাম্প থকা লোকসকল ১৪দিন ঘৰৰ ভিতৰতে আছুতীয়াকৈ ৰখা হব”।
এই সময়ছোৱাত ৰাজ্য জৰুৰীকালীন সকলো চলি থাকিব।স্বাস্থ্য বিভাগৰ মন্ত্ৰীৰ আদি কৰি সকলো কৰ্মচাৰীৰ ছুটী বন্ধ কৰা হৈছে।২৪ ঘণ্টাই চিকিৎসক, নাৰ্ছ ৰাইজৰ সেৱাত ব্ৰতী থাকিব লাগিব”-মন্ত্ৰী শৰ্মাই সংবাদ মেলত ঘোষণা কৰে।
সুৰক্ষা প্ৰতি লক্ষ্য ৰাখি এই সময়খিনিত কোনো যাত্ৰীবাহী বাহনতে থিয় হৈ যাত্ৰা কৰাটোত বাধা আৰোপ কৰা হৈছে।একেদৰে শ্বপিং মল সমূহৰ ভিতৰত ৫০জনতকৈ বেছি মানুহ থাকিব নোৱাৰিব।মলসমূহ বন্ধ কৰি দিয়া নহয় যদিও মল সমূহৰ আকাৰৰ ওপৰত ভিত্তি কৰি ৰাইজক সোমাবলৈ দিয়া হ’ব।
চেনিটাইজাৰ নহ’লেও হ’ব যদি চাবোনেৰে ভালদৰে হাত ধোৱে বুলি উল্লেখ কৰি মন্ত্ৰী শৰ্মাই কয় “যিসকলে দোকান খুলি ৰাখিব বিচাৰিছে, সেইসকলে চেনিটাইজা নহলে চাবোনেৰে গ্ৰাহকক হাত ধুৱ দিব লাগিব।অন্যথা ব্যৱস্থা নকৰিলে স্বাস্থ্য বিভাগৰ বিষয়া গৈ দোকান বন্ধ কৰি দিব। সমান্তৰাল কৈ সকলো চৰকাৰী, বেচৰকাৰী কাৰ্য্যালয়ৰ সন্মুখত চেনিটাইজা নহলে চাবোনেৰে হাত ধোৱাৰ ব্যৱস্থা ৰাখিব লাগিব”।
গুৰুত্বপূৰ্ণ কথা এই যে যিসকল লোক এমাহৰ ভিতৰত বিদেশত ফুৰিবলৈ গৈ বৰ্তমানো ঘূৰি আহিব পৰা নাই সেইসকলৰ একাউন্টত ২০০০ডলাৰ ভৰাই দিয়া হ’ব।কাৰোবাৰ ভিজাৰ ম্যাদ উকলি গ’লে ৰাজ্য বা কেন্দ্ৰীয় চৰকাৰক জনালে এম্বেচিক জনোৱাৰ ব্যৱস্থা কৰা হ’ব বুলি মন্ত্ৰী শৰ্মাই জানিব দিয়ে।
ইফালে বজাৰসমূহক মানুহৰ ভিৰ কমাবলৈ বাৰেপতি কোৱা হৈছে। আজি আৰু শনিবাৰে দুটা দিন চোৱা হ’ব।যদি ভিৰ নকমে বজাৰসমূহ বন্ধ কৰি দিয়া হ’ব। জনসাধাৰণক ভিটামিন চি-যুক্ত আহাৰ খাবলৈ মন্ত্ৰী গৰাকীয়ে আহ্বান জনাই।
উল্লেখ কথা এই যে অসমত বৰ্তমানলৈকে কোনো ব্যক্তি দেহত কৰ’না ভাইৰাছ উপস্থিতি ধৰা পৰা নাই।
