ASSAM TIMES POST
নিউজ ডেস্ক:
ৰিজাৰ্ভ বেংকে কৰ্তন কৰিছে ৰেপো ৰেট। শুকুৰবাৰে এই কথা ঘোষণা কৰে ৰিজাৰ্ভ বেংকৰ গভৰ্নৰ শক্তিকান্ত দাসে। ঘোষণা অনুসৰি ৰিজাৰ্ভ বেংকৰ ৰিৱাৰ্ছ ৰেপো ৰেট ৪ শতাংশৰ পৰা ৩.৭৫ শতাংলৈ কৰ্তন কৰা হৈছে। দেশৰ মুখ্য বেংকটোৱে ২৫ basis point ত এই ৰেট কৰ্তন কৰে। ইয়াৰ জৰিয়তে অৰ্থনীতিৰ উৎপাদন খণ্ডত ঋণ দিয়াত বেংকসমূহক সহায় কৰিব বুলি ৰিজাৰ্ভ বেংকে প্ৰকাশ কৰে।
অন্য পদক্ষেপ হিচাপে ৰিজাৰ্ভ বেংকে অতিৰিক্ত ৫০ হাজাৰ কোটি টকা targeted long term repo operation (TLTRO) হিচাপে প্ৰদানৰ কথাও ঘোষণা কৰে। ইয়াৰ উপৰি তেওঁ অন্য ৫০ হাজাৰ কোটি টকা নাবাৰ্ড, এন এইচ বি আৰু ছিডবিৰ দৰে বিত্তীয় প্ৰতিষ্ঠানক re-financing হিচাপে প্ৰদানৰ কথাও ঘোষণা কৰে।
