ASSAM TIMES POST
ডিফু: লকডাউনৰ মাজতে ক’ভিড 19 ৰ বাবে দিনে- ৰাতিয়ে কৰ্তব্য সম্পাদন কৰি থকা চিকিৎসা কৰ্মী সকলৰ সামান্য সতেজতাৰ বাবে এক ব্যতিক্ৰমী কাৰ্যসূচী হাতত লৈছে ডিফু পৌৰ সভাৰ ৪ নং ৱাৰ্ডৰ ৱাৰ্ড কমিচনাৰ সাধনা ৰংপিপিয়ে ৷
ৱাৰ্ড কমিচনাৰ গৰাকীয়ে সম্পূৰ্ণ নিজা খৰছত এটি ছেলফ হেল্প গ্ৰুপৰ সহযোগত ডিফু মেডিকেল কলেজ হাস্পাতালত উপস্থিত হৈ মেডিকেল কলেজখনৰ অধ্যক্ষৰ পৰা আদি কৰি চিকিৎসক, নাৰ্ছ ,বেমাৰী আৰু চিকিৎসা কৰ্মী সকলক চাহ আৰু বিস্কুটৰ যোগান ধৰে ৷
লকডাউনৰ সময়ছোৱাত কোনো ধৰণৰ কেণ্টিন বা চাহ দোকান নথকাৰ পৰিপ্ৰেক্ষিতত চিকিৎসা কৰ্মী সকলৰ অৱসাদ দূৰ কৰাৰ বাবেই এনে প্ৰচেষ্টা হাতত লৈছে বুলি ৱাৰ্ড কমিচনাৰে গৰাকীয়ে জানিবলৈ দিয়ে ৷
