ASSAM TIMES POST
নগাঁও:
মহাপুৰুষ শ্ৰীমন্ত শংকৰদেৱক এইবাৰ জানিব পাৰিব আমেৰিকাৰ হাভাৰ্ড বিশ্ববিদ্যালয়ৰ ছাত্ৰ ছাত্ৰীয়ে । বিশ্ববিদ্যালয় খনৰ পাঠ্যক্ৰমৰ এখন পুথিত অন্তৰ্ভুক্ত হৈছে মহাপুৰুষ শ্ৰীমন্ত শংকৰদেৱ বিষয়ক এটি নিবন্ধ । নিবন্ধটো শংকৰী সাহিত্যৰ গৱেষক ড : সঞ্জীৱ কুমাৰ বৰকাকতীৰ । ডঃ বৰকাকতীৰ নিবন্ধটোৰ নাম হৈছে-ইউনিক ফিচাৰচ অৱ শ্ৰীমন্ত শংকৰদেৱ ৰিলিজিয়াচ ফিলচফি।হাৱাৰ্ড বিশ্ববিদ্যালয়ৰ ধৰ্ম (ৰিলিজন) শীৰ্ষক বিষয়ত অন্তৰ্ভুক্ত হৈছে উল্লেখিত নিবন্ধটো।
গৱেষক গৰাকীয়ে নিজৰ লেখা আন্তজাৰ্তিক পৰ্যায়ৰ শিক্ষানুষ্ঠানৰ পাঠ্যক্ৰমত অন্তৰ্ভুক্তিত আনন্দ প্ৰকাশ কৰে । উল্লেখ্য, বহু কেইখন গ্ৰন্থৰ লেখক বৰকাকতীৰ গ্ৰন্থ সমূহ বিশ্বৰ আগশাৰীৰ শিক্ষানুষ্ঠানৰ পুথিভঁৰালত সংৰক্ষিত হৈ আছে।ডঃ বৰকাকতীয়ে শ্ৰীমন্ত শংকৰদেৱৰ কৰ্মৰাজী প্ৰচাৰ তথা নৱ প্ৰজন্মক আগ্ৰহী কৰি তোলাৰ উদ্দেশ্যৰে ফলৱাৰ্চ অৱ শ্ৰীমন্ত শংকৰদেৱ নামৰ এটা গ্ৰুপো চচিয়েল মিডিয়াত গঠন কৰি লৈছিল।
