ASSAM TIMES POST
নগাঁও : সমগ্ৰ বিশ্বতে মহামাৰীৰ ৰূপ ধাৰণ কৰা কোভিড -১৯ৰ সংক্ৰমণৰ বিভিন্ন বা-বাতৰি আৰু এই মাৰাত্মক ভাইৰাছ বিধ ৰোধৰ ক্ষেত্ৰত সজাগতা সৃষ্টিৰ ক্ষেত্ৰত নিজৰ দায়িত্ব নিষ্ঠাৰে পালন কৰা সাংবাদিকসকলক বিভিন্ন ব্যক্তি আৰু সংগঠনে শলাগ লোৱাৰ লগতে অভিনন্দন জ্ঞাপন কৰা পৰিলক্ষিত হৈছে । কৰোনা ভাইৰাছৰ সংক্ৰমণৰ বিৰুদ্ধে চলা যুদ্ধখনত নগাঁৱৰ সাংবাদিকসকলে গ্ৰহণ কৰা বলিষ্ঠ ভুমিকাৰ বাবে আজি নগাঁও জিলা বিজেপিৰ সভাপতি অভিজিত কুমাৰ নাথৰ নেতৃত্বত এটা দলে নগাঁৱৰ সাংবাদিকসকলক আনুষ্ঠানিকভাৱে অভিনন্দন জ্ঞাপন কৰে। সমাজিক দূৰত্ব বৰ্তাই আজি নগাঁও প্ৰেছ ক্লাবত অনুষ্ঠিত এক অনুষ্ঠানত বিজেপিৰ জিলা সভাপতি অভিজিত কুমাৰ নাথে নগাঁৱৰ সাংবাদিকসকলক কৰোনাৰ বিৰুদ্ধে অবিৰতভাৱে যুজঁ দিয়াৰ বাবে ফুলাম গামোচা, মাস্ক, চেনিটাইজাৰ, আদি বিতৰণ কৰি উৎসাহ যোগায়।
লগতে নগাঁও প্ৰেছ ক্লাৱৰসমূহ সদস্যক উদ্দেশ্যি এখন মানপত্ৰ ও প্ৰদান কৰে। এই অনুষ্ঠানত নগাওঁ জিলাৰ বিজেপিৰ উপসভাপতি ৰঞ্জিত কুমাৰ বৰদলৈ, সুভাষ দত্ত, সাধাৰণ সম্পাদক পংকজ বৰা, মুকুট দেৱনাথ, সম্পাদক প্ৰণৱ দাস, ৰশ্মি শৰ্মা আৰু যুৱমৰ্চাৰ মনোজ মঙ্গোলনীয়া, ৰাজু ৰয় আদি উপস্থিত থাকে। আনহাতে জিলা বি জে পিয়ে নগাওঁ ইলেক্ট্ৰনিক মেডিয়া এচ’ছিয়েচনৰ কাৰ্যালয়ত অনুষ্ঠিত এক অনুষ্ঠানত ইলেক্ট্ৰনিক মিডিয়াৰ সাংবাদিক সকলকো সম্বৰ্ধনা জনায়। জিলা বি জে পিৰ এই পদক্ষেপক নগাঁৱৰ সাংবাদিকসকলে শলাগ লয়।
