ASSAM TIMES POST
নিউজ ডেস্ক:
প্ৰতিদিনেই বাঢ়িছে ভাৰতত কৰোনা ভাইৰাছত আক্রান্তৰ সংখ্যা। সোমবাৰে দেশত মুঠ আক্রান্তৰ সংখ্যাই ১ লাখ ৯০ হাজাৰৰ সীমা পাৰ কৰি গ’ল। ইয়াৰ জৰিয়তে এতিয়া বিশ্বত মুঠ আক্রান্তৰ সংখ্যাৰ হিচাপত ভাৰত নৱমৰ পৰা সপ্তম স্থানলৈ উঠি আহিল। চেৰ পেলালে জার্মানী আৰু ফ্রান্সকো।
কেন্দ্রীয় স্বাস্থ্য মন্ত্রণালয়ৰ তথ্য অনুসৰি, বিগত ২৪ ঘণ্টাত নতুনকৈ ৮ হাজাৰ ৩৯২ জন নতুন ৰোগীৰে দেশত মুঠ আক্রান্তৰ সংখ্যা হ’ল ১ লাখ ৯০ হাজাৰ ৫৩৫ জন। ৰাজ্যসমূহৰ ভিতৰত প্রথম চাৰিটা স্থান মহাৰাষ্ট্র, তামিলনাডু, দিল্লী আৰু গুজৰাটৰ।
আনহাতে, মুঠ মৃত্যুৰ হিচাপত চীনক পিছ পেলোৱাৰ পিছত এইবাৰ ৰাছিয়াকো চেৰ পেলালে ভাৰতে। বিগত ২৪ ঘণ্টাত কৰোনাত আক্ৰান্ত হৈ দেশত মৃত্যু হৈছে ২৩০জনৰ। কেন্দ্রীয় স্বাস্থ্য মন্ত্রণালয়ৰ তথ্য অনুসৰি, কোভিড-১৯-ৰ কাৰণে দেশত মুঠ মৃত্যু হ’ল ৫ হাজাৰ ৩৯৪ জনৰ। ইয়াৰ ভিতৰত মহাৰাষ্ট্রত ২ হাজাৰ ২৮৬ জন, গুজৰাটত ১ হাজাৰ ৩৮ জন আৰু দিল্লীত মুঠ ৪৭৩ জনৰ মৃত্যু হৈছে।
ইফালে, আক্রান্তৰ সংখ্যাৰ ভিত্তিত দেশত সকলোতকৈ বেছি মহাৰাষ্ট্রত। বিগত ২৪ ঘণ্টাত ২ হাজাৰ ৪৮৭ জন নতুনকৈ আক্রান্ত হৈছে ৰাজ্যখনত, মুঠ আক্রান্ত হ’ল ৬৭ হাজাৰ ৬৫৫ জন। ইয়াৰ পিছত তামিলনাডুত ২২ হাজাৰ ৩৩৩ জন, ৰাজধানী দিল্লীত ১৯ হাজাৰ ৮৪৪ জন আৰু গুজৰাটত ১৬ হাজাৰ ৭৭৯ জনৰ মৃত্যু হৈছে।
উল্লেখ্য যে দেশত আক্রান্তসকলৰ ভিতৰত সুস্থ হোৱাৰ সংখ্যাও কম নহয়। কোভিডত আক্রান্ত হোৱাৰ পিছত বৰ্তমানলৈ ৯১ হাজাৰ ৮১৯ জন সুস্থ হৈছে। আনহাতে, বিগত ২৪ ঘণ্টাত সুস্থ হৈছে ৪ হাজাৰ ৮৩৫ জন।
