ASSAM TIMES POST
ষ্টাফ ৰিপ’ৰ্টাৰ:
সদা ব্যস্ত গুৱাহাটীৰ উচ্চ ন্যায়ালয়ৰ সমীপত শুকুৰবাৰে দিনৰ ভাগত সংঘটিত হয় এক প্ৰকাণ্ড জল বিস্ফোৰণ। জাইকা প্ৰকল্পৰ পানীৰ পাইপ ফাটি ৫ ফুট ওপৰলৈ উঠিল পানী। বিস্ফোৰণটো ইমানেই ভয়ংকৰ আছিল সম্পূণৰূপে ফাটি গ’ল পথছোৱা।
বিস্ফোৰণ হোৱা ঠাই খিনিত সৃষ্টি হ’ল ৬ ফুট দ-গাত।পানী পাইপ ফাটি যোৱা বাবে সমগ্ৰ ৰাজপথছোৱা ডুব গল পানীত।পাইপৰ পৰা নিৰ্গত হোৱা পানীত মুহূৰ্ততে কাষৰতে থকা লতাশিল থানাৰ লগতে উচ্চ ন্যায়ালৰ সমীপৰ পথ সমূহ কিছু সময়ৰ বাবে পানীত বুৰ যায়।
উল্লেখ যে জাইকাই গুৱাহাটীত পানী যোগানৰ পৰীক্ষা কৰি আছিল।পৰীক্ষাৰ সময়তে সংঘটিত হয় দূৰ্ঘটনাটো।বহু সময় ধৰি অঞ্চলটো জলমগ্ন হৈ থাকে।জাইকা মূল উৎসত পানী বন্ধ কৰাৰ পিছতে পানী ওলোৱা বন্ধ হয় বিস্ফোৰিত অংশটোৰ পৰা।সাময়িক ভাবে বন্ধ কৰি দিয়া হয় দিঘলীপুখুৰী পাৰৰ পথচোৱা।
