ASSAM TIMES POST
নিউজ ডেস্ক:
ক’ৰোনাৰ প্ৰকোপত জ্বৰ হ’লেই আতঙ্কত ভুগিছে সৰুৰ পৰা ডাঙৰ সকলোৱেই। আনহাতে, প্রকৃতিৰ স্বাভাৱিক নিয়মতেই বর্ষাকাল আহিছে। যেতিয়াই তেতিয়া বৰষুণ, কেতিয়াবা আকৌ তীব্ৰ গৰম। এই সময়ত শিশুসকলৰ জ্বৰৰ সম্ভাৱনা অতি বাঢ়ি যায়।
আৰু জ্বৰ হ’লেই কোভিড-১৯ৰ ভয় আহিয়ে যায়। কিন্তু চিকিৎসকসকলৰ মতে, কেৱল ক’ৰোনাৰ কাৰণেই যে জ্বৰ হয় সেয়া নহয়, ঘূৰি আহিছে ডেঙ্গি জ্বৰো। ইয়াৰ উপৰি সাধাৰণ ভাইৰেল জ্বৰতো আছেই। সেয়ে জ্বৰ হ’লেই কোভিড-১৯ অনুমান কৰাৰ কোনো কাৰণ নাই, বৰং উপসর্গৰ দিশে নজৰ দিয়া প্ৰয়োজন।জ্বৰ কোনো অসুখ নহয় জ্বৰ কিন্তু আকৌ কোনো ৰোগ নহয় ৰোগৰ উপসর্গ মাত্র।
বীজাণুৰ সংক্রমণ বা অন্যান্য কাৰণত আমাৰ ৰোগ প্রতিৰোধ ব্যৱস্থাই শৰীৰৰ তাপমাত্রা বঢ়াই দি ভাইৰাছক শৰীৰৰ পৰা বাহিৰ কৰি দিয়াৰ চেষ্টা কৰে, সেয়ে জ্বৰ হয়। শিশুৰোগ বিশেষজ্ঞৰ মতে, বেছিভাগ জ্বৰৰ নেপথ্যতেই শ্বাসনলী, ডিঙি, পেটসহ কোনো নহয় কোনো সংক্রমণ আছে। কোভিড-১৯ ভাইৰাছৰ উপৰি এই সময়টোত বৰষুণ আৰু তাপমাত্রাৰ পৰিবর্তনৰ কাৰণে ডেঙ্গি, মেলেৰিয়াসহ অন্যান্য বীজাণুসমূহৰ সংক্রমণতো জ্বৰ হ’ব পাৰে।
বেছিভাগ ক্ষেত্ৰতে শিশুৰ জ্বৰ ভাইৰেল জ্বৰ। বতাহবাহিত এই অসুখ হাঁচি-কাহৰ মাধ্যমেৰে দ্রুতভাৱে বিয়পি পৰে। আনকি কথা কোৱাৰ সময়তো এই বাজাণুবোৰ বতাহত মিলি ৰোগ বিয়পাব পাৰে। সেয়ে শিশুসকলক মাস্ক পিন্ধাই ৰখা আৰু ভিৰৰ পৰা আঁতৰাই ৰখাৰ উপৰি ‘হেণ্ড হাইজিন’ মানি চলাৰ অভ্যাসো গঢ়ি তুলিব লাগে।
জ্বৰ হ’লেই এণ্টিবায়’টিক নিদিব
শিশুৰ জ্বৰ হ’লে ভয় খাই বহু অভিভাৱকে শিশুক হুৰমুৰাই এণ্টিবায়টিক খুউওৱাৰ চেষ্টা কৰে। বহুতে আৰৌ জ্বৰ হ’লেই কোভিড-১৯ৰ ভয়ত আতঙ্কিত হৈ হস্পিটেলত ভর্তি কৰাবলৈ বিচাৰে। ইয়াৰ কোনোটোৱেই কৰাৰ প্ৰয়োজন নাই বুলি চিকিৎসকে কয়।
চিকিৎসকসকলৰ মতে, শিশুৰ জ্বৰ হ’লে অৱশ্যেই চিকিৎসকৰ তত্ত্বাৱধানত ৰাখিব, কিন্তু নিজে নিজে চিকিৎসা কৰি বিপদ নবঢ়াব। জ্বৰ খুব বেছি হ’লে মূৰত জলপট্টি দিয়াৰ লগে লগে কুহুমীয়া পানীৰে শিশুৰ শৰীৰ মচি দিব। বয়স আৰু ওজন অনুযায়ী পেৰাচিটামল জাতীয় ঔষধ খুৱাব লাগিব। জ্বৰৰ উপৰি শিশুৰ অন্যান্য উপসর্গৰ দিশেও লক্ষ্য ৰাখি চিকিৎসকৰ পৰামর্শ ল’ব লাগিব। জ্বৰ হ’লে শিশুসকলে খাব নিবিচাৰে, বমি কৰিব পাৰে আৰু পেটৰ বিষ বা ডায়েৰিয়াও হ’ব পাৰে।
ইয়াৰ লগতে মূৰ আৰু গা-হাত-ভৰিৰ বিষতো কৰেই। বহুতে দ্রুতভাৱে জ্বৰ কমাবলৈ আইব্রুফেন জাতীয় ঔষধ খুৱাই দিয়ে। ভুলতেও এই ঔষধ নিদিব। বৰং মূৰ ধুৱাই দি কুহুমীয়া পানীৰে গা-হাত-ভৰি স্পঞ্জ কৰাই দিলে ভাল হয়।জ্বৰৰ সৈতে ডায়েৰিয়া হ’লে ডিহাইড্রেচনৰ সম্ভাৱনা বাঢ়ে। সেয়ে জ্বৰৰ সময়ত শিশুই খাদ্য খাবলৈ আপত্তি কৰিলেও বাৰে বাৰে পানী, চুপ, চৰবত জাতীয় জলীয় খাদ্য দিয়াটো জৰুৰী।
জ্বৰৰ সৈতে শিশু শেতা পৰিলে বা জ্ঞান হেৰুৱালে ঘৰত ৰাখি চিকিৎসা কৰাৰ সলনি চিকিৎসকৰ নির্দেশ মানি হস্পিটেলত ভর্তি কৰা প্ৰয়োজন হ’ব পাৰে।প্ৰয়োজন হ’লেহে ৰক্ত পৰীক্ষা কৰাওকজ্বৰ হোৱাৰ লগে লগেই বহু পিতৃ-মাতৃয়ে নিজেই শিশুৰ ৰক্ত পৰীক্ষা কৰায় নিজেৰ ইচ্ছামতে।
কিন্তু শিশুৰ জ্বৰ হ’লেই ৰক্ত পৰীক্ষা কৰাৰ প্ৰয়োজন নাই। সাধাৰণ ভাইৰেল জ্বৰৰ লগত যদি ডিঙিৰ বিষ, শ্বাসকষ্ট বা ডায়েৰিয়া হয় আৰু শিশু যদি লেবেজান হৈ পৰে তেতিয়াহ’লে চিকিৎসকৰ পৰামর্শ লৈহে ৰক্ত পৰীক্ষা কৰোৱা উচিত বুলি চিকিৎসকে পৰামৰ্শ দিয়ে।শিশুৰ জ্বৰ কমাবলৈ বহুতেই চিকিৎসকক ফোন কৰি এণ্টিবায়টিক দিয়াৰ বাবে অনুৰোধ কৰে। ইফালে ভাইৰেল জ্বৰত এণ্টিবায়টিকৰ কোনো ভূমিকাই নাই।
জ্বৰৰ সৈতে অন্য কোনো সংক্রমণ হ’লে তাৰ বাবে ঔষধ দিব পৰা যায়। কিন্তু ‘অভাৰ দ্য কাউন্টাৰ’ ঔষধ কিনি শিশুক খুৱালে বিপদত পৰাৰ সম্ভাৱনা থাকে। এই পৰিস্থিতিত শিশুক সুস্থ ৰাখিবলৈ বিনা কাৰণত বাহিৰলৈ লৈ নাযাব, শ্বপিং মল বা বজাৰত গ’লে ক’ৰোনাৰ উপৰি অন্যান্য জ্বৰৰ সম্ভাৱনাও থাকে। ঘৰৰ পৰিবেশ পৰিচ্ছন্ন ৰাখি মহ-মাখিৰ পৰা শিশুক ৰক্ষা কৰি সুস্থ ৰাখক।
**** স্বাস্থ্য শিতানৰ বিষয় বস্তুবোৰ কেনে লাগিছে আমাক জনাব লগতে
আপোনালোকৰ পৰামর্শ বোৰও জনাব পাৰিব৷ আমাৰ মেইলত: assamtimespost@gmail.com ***
