ASSAM TIMES POST
নিউজ ডেস্ক:
বিশ্বজুৰি ক’ৰোনা ত্রাস। কোটিৰ ঘৰ চুবলৈ আগবাঢ়িছে ক’ৰোনা সংক্রমণৰ গ্রাফ। হোৰাহোৰে বাঢ়িছে মৃত্যুৰ সংখ্যাও। এই পৰিস্থিতিত অক্সফোর্ড বিশ্ববিদ্যালয়ৰ গবেষকসকলে আশাৰ কথা শুনাইছে। অহা জুলাই মাহৰ প্রথম সপ্তাহত মানুহৰ ওপৰত প্রয়োগ কৰা হ’ব ‘ছেডক্স’ ভেকচিন।
এই পর্বত উত্তীৰ্ণ হৈ গ’লেই ২০২০ চনৰ শেষৰ ফালে ক’ৰোনাৰ প্রতিষেধক বজাৰলৈ আহিব পাৰে বুলি ধাৰণা বিশেষজ্ঞসকলৰ।আনহাতে, ঔষধ উৎপাদন আৰম্ভ কৰাৰ ক্ষেত্রত ইতিমধ্যেই নিজকে প্রস্তুত ৰাখিছে ভাৰতেও। পুনেৰ চেৰাম ইনষ্টিটিউটত প্ৰস্তুত হ’ব অক্সফোর্ডৰ এই ক’ৰোনা প্রতিষেধক – ‘ছেডক্স’।চেৰাম ইনষ্টিটিউট অব ইণ্ডিয়াৰ (Serum Institute of India) দাবী, অক্সফোর্ড ভেকচিনৰ প্রথম পর্যায়ৰ ক্লিনিকেল ট্রায়েলত ভাল ফল লাভ কৰা হৈছে।
সকলো ঠিকে থাকিলে অহা জুলাইতেই কেইবা লক্ষ ভেকচিন তেওঁলোকে প্ৰস্তুত কৰি তুলিব। প্রাথমিকভাবে ৩০ লক্ষ ড’জ উৎপাদন কৰা হ’ব। পৰবর্তী সময়ত উৎপাদনৰ হাৰ কেইবা লাখ হৈ যাব।
