ASSAM TIMES POST
বিশেষ প্ৰতিবেদন :
বি-টাউনত এটাৰ পিছত আনটো দুঃসংবাদ। ইৰফান খান, ঋষি কাপুৰ, ৱাজিদ খান, সুশান্ত সিং ৰাজপুতৰ পিছত বৃহস্পতিবাৰে মাজনিশা হৃদৰোগত আক্রান্ত হৈ প্রয়াত হৈছিল বলিউডৰ বিখ্যাত কৰিঅগ্রাফাৰ সৰোজ খান। কিংবদন্তিৰ মৃত্যুত শোকৰ ছায়া নামি আহিছে টিনছেল টাউনত। কৰিঅগ্রাফিৰ জনপ্রিয়তাৰ লগে লগে তেওঁৰ ব্যক্তিগত জীৱনো ট্ৰেজেডিৰ দৰে। ১৩ বছৰ বয়সত বিয়া, তাৰ পিছত ইছলাম ধর্ম গ্রহণ, সন্তানৰ মৃত্যু, স্বামীৰ গোপন সম্পর্ক এই সমস্ত যন্ত্রণা সহ্য কৰিও নিজৰ মনৰ অদম্য ইচ্ছাতেই আজি তেওঁ বলিউডৰ ‘মাষ্টাৰজী’।
বৃহস্পতিবাৰে মাজনিশা প্রয়াত হয় সকলোৰে প্রিয় মাষ্টাৰজী সৰোজ খান। ১৭ জুনৰ পৰাই বান্দ্রাৰ গুৰুনানক হস্পিটেলত ভর্তি হৈ আছিল তেওঁ। চিকিৎসাধীন অৱস্থাতে মাজনিশা হৃদৰোগত আক্রান্ত হৈ প্রয়াত হয় সৰোজ খান। নিজৰ হাতেৰে যিয়ে বি-টাউন গঢ়িছিল সেই কিংবদন্তিৰ মৃত্যুত শোকৰ ছায়া নামি আহে টিনছেল টাউনত।
২ হাজাৰৰো অধিক গানত কৰিঅগ্রাফি কৰিছে সৰোজে। বলিউডত চাৰি দশকৰ বেছি সময় ধৰি জড়িত আছিল তেওঁ। বলিউডৰ এটা যুগৰ অৱসান হ’ল তেওঁৰ মৃত্যুত। মৃত্যুৰ সময়ত তেওঁৰ বয়স হৈছিল ৭১ বছৰ। কেৰিয়াৰত সাফল্যৰ আঁৰতো আছে এক গভীৰ ইতিহাস। মাত্র ৩ বছৰ বয়সতেই পেটৰ তাড়নাত কামত নামিবলগা হৈছিল সৰোজক। জীবনৰ হাজাৰ উত্থান-পতনৰ পিছত বৰ্তমান তেওঁ বলিউডৰ অন্যতম সফল কৰিঅগ্রাফাৰ।
খুব কম লোকেই জানে সৰোজ খানৰ প্ৰকৃত নাম নির্মলা নাগপাল। তেওঁৰ পিতৃৰ নাম কিশনচাঁদ সাধু সিং আৰু মাতৃৰ নাম ননি সাধু সিং। দেশ বিভাজনৰ পিছত পাকিস্তানৰ পৰা ভাৰতলৈ গুচি আহে সৰোজৰ পৰিয়াল। মাত্র ৩ বছৰ বয়সৰ পৰাই শিশুশিল্পী হিচাবে চলচ্চিত্রত কাম আৰম্ভ কৰিছিল সৰোজ খানে। তাৰ পিছৰ পৰাই আৰম্ভ হয় জীবনৰ প্ৰকৃত যুদ্ধ।
৫০ৰ দশকৰ পৰাই বেকগ্রাউন্ড শিল্পী হিচাপে কাম আৰম্ভ কৰিছিল সৰোজে। কৰিঅগ্রাফাৰ বি শোহনলালৰ ওচৰত নাচৰ তালিম লৈছিল সৰোজে। সেয়া ১৯৭৪ৰ কথা । ‘গীতা মেৰা নাম’ ছবিত কৰিঅগ্রাফিৰ মাধ্যমেৰেই বলিউডত অভিষেক হয় সৰোজ খানৰ। তাৰ পিছত এখনৰ পিছত আন এখন ছবিত কৰিঅগ্রাফি কৰিছে সৰোজ খানে। গুৰুৰ কৰিঅগ্রাফিতেই তেতিয়া নৃত্য কৰিছিল সৰোজে। তাৰ পিছত নৃত্যৰ গুৰু বি শোহনলালৰ সৈতেই বিবাহ বন্ধনত সোমাইছিল তেওঁ। বয়স তেতিয়া মাত্র ১৩। শোহনলালৰ বয়স ৪১। সেই ১৩ বছৰ বয়সতেই ইছলাম ধর্ম গ্রহণ কৰিছিল সৰোজ খানে। সম্পূর্ণ নিজৰ ইচ্ছাতেই তেওঁ গ্রহণ কৰিছিল ইছলাম ধৰ্ম।
২৮ বছৰ ডাঙৰ শোহনলালৰ সৈতে সংসাৰ পাতে তেওঁ। সৰোজৰ পূৰ্বেও পত্নীৰ সৈতে চাৰিটি সন্তান আছিল তেওঁৰ। সেই কথাও সৰোজক গোপন কৰিছিল শোহনলালে। এয়া আছিল তেওঁৰ দ্বিতীয় বিবাহ। কিন্তু শোহনলালৰ সৈতে সংসাৰ সুখৰ নাছিল সৰোজৰ। বিয়াৰ এবছৰৰ ভিতৰতেই প্রথম সন্তান ৰাজু খানৰ জন্ম হয়। পুনৰ দুবছৰৰ মূৰত পুত্র সন্তানৰ জন্ম দিয়ে সৰোজে। কিন্তু মাত্র ৮ মাহৰ ভিতৰতেই সেই সন্তানৰ মৃত্যু হয়। পুনৰ এক কন্যা সন্তানৰ মাক হয় সৰোজ। যাৰ নাম হিনা খান। দুই সন্তানকে নিজৰ নামৰ স্বীকৃতি দিবলৈ অস্বীকাৰ কৰে শোহনলালে। তাৰ পিছৰ পৰাই দূৰত্ব সৃষ্টি হয় সৰোজ আৰু শোহনলালৰ মাজত।
সম্পূর্ণ একক প্রচেষ্টাতেই দুই সন্তানক মানুহ কৰে সৰোজ খানে। মানসিকভাবে ভাঙি নপৰি নিজৰ লক্ষ্য স্থিৰ ৰাখিয়েই আজি তেওঁ বলিউডৰ মাষ্টাৰজী। তেওঁৰ হাতত ধৰিয়ে বলিউডত নতুন যুগৰ সূচনা হৈছিল।
