নিউজ ডেস্ক:
আজি দিনৰ ১২ বজাত ভাতৃ শৌভিক চক্রৱর্তীক লগত লৈ ইডিৰ কাৰ্যালয়ত উপস্থিত হয় অভিনেত্রী ৰিয়া চক্রৱর্তী। ইডিয়ে ৰিয়াক ৩ ঘণ্টাৰো অধিক সময় জেৰা কৰে।সংবাদ মাধ্যমৰ খবৰ মতে, ৰিয়াৰ ২০১১৮-‘১৯ত বার্ষিকউপাৰ্জন ১৪ লাখ টকা বুলি জনাৰ পিছত ইডিয়ে প্রশ্ন কৰে ৰিয়াই বছৰত ৬৫ লাখ খৰচ কেনেদৰে কৰিলে?
ৰিয়াৰ ফোন কলৰ তথ্য ইডিৰ ওচৰত আছে, য’ত দেখা গৈছে ৰিয়াই তেওঁৰ বর্তমানৰ মেনেজাৰ শ্রুতি মোদীক ৮০০ বাৰ ফোন কৰিছিল, সুশান্তক ১৪৭ বাৰ। কিয় ইমানবাৰ শ্রুতিক ফোন কৰিছিল ৰিয়াই? শ্রুতি বর্তমান ৰিয়াৰ মেনেজাৰ হ’লেও পূৰ্বতে সুশান্তৰ বিজনেছ মেনেজাৰ হিচাপে কাম কৰিছিল। তেওঁকো ইডিয়ে জেৰা কৰিব বুলি জনা গৈছে। ইফালে কাইলৈ সুশান্তৰ বন্ধু সিদ্ধার্থ পিঠানিক মাতি পঠিয়াইছে মুম্বাই আৰক্ষীয়ে।
উল্লেখযোগ্য যে ইডিয়ে জেৰা কৰিবলৈ মাতি পঠিওৱাৰ প্রথমটো প্রক্রিয়া পিছুৱাই দিয়াৰ আবেদন জনাইছিল ৰিয়াই। কিন্তু সেই আবেদন গ্রাহ্য নোহোৱাত আজিয়েই ইডিৰ কাৰ্যালয়ত হাজিৰ হয় অভিনেত্রীগৰাকী।
