ষ্টাফ ৰিপ’ৰ্টাৰ:
ৰাজস্থানৰ ৰাজনীতিত নতুন নাটক৷ এইবাৰ অশোক গেহলটৰ ভয়ত নিজৰ বিধায়কক গুজৰাটলৈ পঠাবলৈ আৰম্ভ কৰিলে বিজেপিয়ে৷ তেওঁলোকৰ আশংকা, বিএছপিৰ যি ৬ বিধায়কে কংগ্ৰেছত যোগ দিছে, সেইসকলৰ বিধায়ক পদ বাতিল হ’লে বিজেপিৰ বিধায়কক টোপ দিব পাৰে গেহলটে৷
ইতিমধ্যে কেইবাজনো বিধায়কক গুজৰাটলৈ পঠাইছে গেৰুৱা শিবিৰে৷ শচীন পাইলৰ বিদ্ৰোহ ঘোষণাৰ পাছত ওলমি পৰে ৰাজস্থানৰ কংগ্ৰেছ চৰকাৰ৷ পাইলট শিবিৰৰ বিধায়কক বাদ দিলে অশোক গেহলটৰ হাতত থাকিব মাত্ৰ ১০২ জন বিধায়কৰ সমৰ্থন৷ সেয়া কংগ্ৰেছ শিবিৰৰ দাবী৷
কিন্তু বাস্তৱ ছবিটো পোহৰলৈ অহা নাই৷ ইয়াৰ মাজতে নতুন কৌশল তৈয়াৰ কৰিছে মায়াৱতীয়ে৷ তেওঁৰ দলৰ যি ৬ জন বিধায়কে কংগ্ৰেছত যোগ দিছিল, তেওঁলোকৰ বিধায়ক পদ বাতিলৰ দাবীত ৰাজস্থান উচ্চ ন্যায়ালয়ত গোচৰ তৰিছে৷ অহা ১১ আগষ্টত এই গোচৰৰ শুনানি হ’ব৷ যদি এই ৬জন বিধায়কৰ পদ বাতিল হয় তেন্তে সংখ্যালঘু হোৱাৰ সম্ভাৱনা অশোক গেহলটৰ চৰকাৰ৷
ইপিনে যিমান দিন ক্ষমতাত থাকিব সিমান দিন ‘বৃদ্ধ ৰাজপাট’ কেতিয়াও ব্যৰ্থ নহয়৷ এই কথা বিজেপিয়ে জানে৷ উল্লেখ্য যে ৰাজনীতিৰ পথাৰত গেহলট বহু পুৰণা খেলুৱৈ৷ সকলো দলৰ সকলো নেতাৰ সৈতে যিকোনো সময়তে যোগাযোগ কৰাৰ ক্ষমতা তেওঁৰ আছে৷ তাৰ বাবে আগতেই সাৱধান হৈছে গেৰুৱা শিবিৰ৷ প্ৰাপ্ত তথ্য মতে ইতিমধ্যে ৫জন বিধায়কক বিজেপি শাসিত গুজৰাটলৈ পঠিয়াই দিয়া হৈছে৷
আন কেইজনমানক পঠোৱাৰ ব্যৱস্থা কৰা হৈছে৷ বিধানসভা অধিৱেশন আৰম্ভ হোৱাৰ আগতে যিমান পাৰি বেছিসংখ্যক বিধায়কক নিৰাপদ দূৰত্বলৈ পঠাবলৈ চাইছে গেৰুৱা শিবিৰে৷ উল্লেখ্য যে ৰাজস্থানৰ নাটকৰ সকলো পৰ্বত নীৰৱ আছিল বিজেপিৰ নেতা তথা প্ৰাক্তন মুখ্যমন্ত্ৰী বসুন্ধৰা ৰাজে৷ হঠাৎ তেওঁ সক্ৰিয় হৈ উঠিছে৷ ইতিমধ্যে তেওঁ দিল্লীলৈ গৈ কেন্দ্ৰীয় নেতাৰ সৈতে আলোচনা কৰিছে৷
