স্বাস্থ্য প্ৰতিবেদনঃ
বিশ্বজুৰি পালন কৰা হৈছে ‘ৱর্ল্ড হার্ট ডে’। বিশেষজ্ঞসকলৰ মতে, এনে ধৰণৰ দিৱস পালন কৰি সাধাৰণ মানুহক হৃদৰোগৰ বিষয়ে সচেতন কৰাই মুখ্য উদ্দেশ্য।
ক’ৰোনাৰ ভয়ত কেইবা মাহ ধৰি মানুহে অন্যান্য অসুখক লৈ অৱহেলা কৰাৰ ফলত হঠাৎ হৃদৰোগত আক্ৰান্ত হৈ মৃত্যুৰ ঘটনা বাঢ়িছে। বিশ্ব স্বাস্থ্য সংস্থা (হু)ৰ বিশেষসকলৰ সমীক্ষাই জনাইছে, ২০৩০ চনত বছৰি প্রায় আঢ়ৈ কোটি মানুহ হৃদৰোগত আক্রান্ত হৈ অকালতে মৃত্যু হ’ব পাৰে। এওঁলোকৰ বেছিভাগেই ভাৰতীয়।
‘লেন্সেট’ জার্নালত প্রকাশিত গৱেষণা-পত্রত জনোৱা হৈছে, ২০১৬ চনত আমাৰ দেশত ২১ লাখ মানুহে হৃদৰোগত প্রাণ হেৰুৱাইছে। অথচ হৃদৰোগৰ যাৱতীয় চিকিৎসা বৰ্তমান বিজ্ঞানীসকলৰ হাতৰ মুঠিত। কিন্তু তাৰ বাবে সঠিক সময়ত চিকিৎসকসকৰ ওচৰলৈ যাব লাগিব।
সমগ্ৰ দেশতে হৃদৰোগৰ প্রবণতা বাঢ়িছে। ইয়াৰ অন্যতম কাৰণ অনিয়ন্ত্রিত ডায়েবেটিছ, অতিৰিক্ত ওজনৰ বোজা। কিন্তু জীৱনযাত্রাৰ কাৰণে হৃদৰোগ কার্ডিঅভাছকিউলাৰ ডিজিজত ভুগিছে বিশ্বৰ নানা দেশৰ মানুহ। মানুহক এই বিষয়ে সচেতন কৰিবলৈ ‘ৱর্ল্ড হার্ট ফেডাৰেচন’ আৰু ‘ৱর্ল্ড হেল্থ অৰ্গেনাইজেচন’ৰ যৌথ উদ্যোগত ১৯৯৯ চনত ‘ৱর্ল্ড হার্ট ডে’ পালনৰ সিদ্ধান্ত লোৱা হয়।
‘ৱর্ল্ড হার্ট ফেডাৰেচন’ৰ তদানীন্তন সভাপতি এন্টনি বায়েছ ডি লুনাৰ উদ্যোগত প্রতি বছৰে ছেপ্টেম্বৰ মাহৰ শেষৰটো দেওবাৰে এই দিৱস পালন আৰম্ভ হয়। ২০০০ চনৰ ২৪ ছেপ্টেম্বৰত প্রথম ‘হার্ট ডে’ পালন কৰা হয়। ইয়াৰ পিছত ২০১২ চনৰ পৰা ২৯ছেপ্টেম্বৰ দিনটো বাছি লোৱা হৈছে।
এই বছৰৰ ‘হার্ট ডে’ৰ থিম ‘ইউজ টু বিট’। অর্থাৎ হৃদযন্ত্রক স্পন্দিত হ’বলৈ দিয়ক। নিয়ম মতে খোজকঢ়া আৰু শৰীৰচর্চাত হৃদস্পন্দন স্বাভাৱিক হৈ থাকিব। ওজন সঠিক ৰাখি মন ভালে ৰাখিলে হার্ট ভালে থাকে।
হৃদৰোগ প্রতিৰোধৰ কিছু নিয়ম :
১ . চিগাৰেটৰ পৰা দূৰৈত থাকক।
২ . বেছি নিমখ খালে হৃদপিণ্ডৰ সুস্বাস্থ্য বিঘ্নিত কৰে। দিনে ২.৫ গ্রামৰ বেছি নিমখ নাখাব।
৩ . চেনি আৰু কৃত্রিম মিঠাই নাখাব। পৰবর্তে সতেজ ফল, মাছ আৰু মুৰ্গী খাওক। পর্যাপ্ত পানী অৱশ্যেই খাব লাগিব। এলপিজি-ৰ যত্ন লওক। এল মানে লিপিড, পি- প্রেছাৰ আৰু জি– গ্লুকোজ। এইবোৰ নিয়ন্ত্রণত নাৰাখিলেই বিপদ।
৪ . ফাস্ট ফুড, সংৰক্ষিত খাদ্যৰ সলনি সতেজ শাক-পাচলি, দাইল, গম, চাউল, ওটছ নিৰ্দিষ্ট পৰিমাণত খাব লাগিব। মাছ আৰু মুৰ্গী জাতীয় মাংস, কম তেলত ৰান্ধি খাব পাৰে।
৫ . সপ্তাহত ৫ দিন প্ৰায় ৩০ মিনিট শৰীৰচর্চা কৰিবই লাগিব।
